eQonaq aqparattyq júıesiniń dereginshe, elimizge týrıstik maqsatpen keletin AQSh, Germanııa, Ońtústik Koreıa jáne Úndistan azamattary orta eseppen 4 kún ótkizedi eken.
«eQonaq júıesi – elimizge kelgen týrısterdiń kelip-ketýin baqylaý jáne taldaý, ornalastyrý oryndarynyń tizilimin qurý, t.b. birneshe mańyzdy qyzmetti atqarady. Basty maqsat – týrısterge kórsetiletin qyzmetterdiń ashyqtyǵy men sapasyn arttyrý. Júıege 3 214 ornalasý qyzmetin usynatyn kásipkerlik nysany tirkelgen», dedi Mádenıet jáne sport mınıstrliginiń baspasóz hatshysy Móldir Ábdýalıeva.
Elimizde aıaldaý merzimi boıynsha О́zbekstan azamattary kósh bastap tur. Kórshi eldiń týrısteri elimizde 10 kúnge deıin turaqtaıdy. Al Reseıden keletin týrıster – 6 kún, Belarýs azamattary – 5 kún, Germanııa týrısteri 4 kún qonsa, Qytaı azamattary elimizde 3,5 kún ótkizedi eken.
