О́ziniń komandasymen birge bólshek saýdada esep-qısapty jeńildetetin baǵdarlama jasap jatyr. Ras, osy kúni Qaraǵandy kóleminde kóptegen jastyń túrli kompıýterlik baǵdarlama jasaıtyn qabilet-qarymyn jalpaq jurt bile bermeıdi. Ádildeı jańashyldyqqa umtylǵan jastardy kórip, bylaı baǵamdaıdy ekensiz: aqparattyq tehnologııanyń jiligin shaǵyp, maıyn ishetin bolashaq Djobs pen Sýkerbergter aramyzda júrýi ábden múmkin ǵoı, kim biledi?..
О́ńirdegi jastyń IT-tehnologııaǵa talasy bar. Osylaı boljam jasaýymyzǵa shaǵyn nesıe alyp, kompıýterlik baǵdarlamany jiliktep otyrǵan Ádil Músıdiń jobasy sebep. Joba sátti aıaqtalsa, býhgalterlerge sharapaty tıedi.
Jaqynda 4 mln 400 myń teńge shaǵyn nesıe alǵan Ádil Músı Qarqaraly aýdany Qaraǵaıly kentinde turady. Ol komandasymen bólshek saýdada esep-qısapty jeńildetýge múmkindik beretin baǵdarlama jasap jatyr.
«Shaǵyn nesıeni IT-jobaǵa aldyq. Bul baǵdarlama bólshek saýdanyń ishki esebin kassa boıynsha operasııany jáne qoımadaǵy bar taýardyń qaldyǵyn kórýge múmkindik beredi. Barlyq alǵashqy qujatty avtomatty túrde júrgizedi. Ár taýar satylǵan saıyn zań júzinde kerek bastapqy qujattar avtomatty túrde shyǵady. Baǵdarlamanyń aıaq alysy jaman emes. Kodtaý ústindemiz. Dızaınyn, maketin quryp, aldaǵy marketıngtik strategııany qurastyrýǵa kiristik. Bári oıdaǵydaı bolsa, keler jyly baǵdarlamany synaqtan ótkizemiz. Kásipkerlikpen aınalysqanyma 5 jyl. Osy 5 jylda bızneske jáne kásipkerlerge arnalǵan jeńil ári túsinikti baǵdarlama joq ekenin túsindim. Kóptegen kásipker maǵan dúkenderine, dárihanalaryna avtomattandyrylǵan arnaıy býhgalterlik esepti júrgizetin, ıaǵnı satyp alǵannan keıin qujattardy avtomatty túrde daıyndaıtyn baǵdarlama suraıdy. Baǵdarlamalar bar. Biraq olar tolyq emes. Bir fýnksııasy bar, endi bir fýnksııasy joq. Al bizdiń baǵdarlamada kassa, qoıma, býhgalterııa túgeldeı bir-birimen kerekti aqparatty avtomatty túrde almasady. Osy kúngi naryqtaǵy baǵdarlamalarda biz usynyp otyrǵan fýnksııalar joq. Kezdesse de, óte qymbat turady», deıdi Ádil Maratuly.
Qazirgi ýaqytta oıdaǵy jobasyna Ádil komandasymen kirisken. Aldaǵy ýaqytta baǵdarlama satylymǵa shyqqanda, taǵy da 10 shaqty adamdy jumyspen qamtý josparynyń bar ekenin de jetkizdi. Baǵdarlamalaryna batyl kirisken Ádil nesıe alýǵa tıisti quzyrly uıymdardyń keńes berip, memleket qoldaýyn aıqyn sezingenin aıtady. Kásip etýge qulshynys bar da, kedergige kidirmeıtinderine qoldaý kórsetilse, qoparyp jumys isteıtinderine senimdi.
Ádildiń baǵdarlamashylar toby munymen toqtap qalmaıdy. Komandadaǵy jigitter alysty kózdep otyr. Tól baǵdarlamalarynyń baǵyn álemdik deńgeıde synamaq nıeti bar.
«Baǵdarlamany álemdik deńgeıge deıin jetkizý josparda bar. Onyń barlyǵy tynymsyz eńbek pen biraz ýaqytty talap etedi. Bızneste keń taraǵan baǵdarlamalardyń tájirıbesine súıene otyryp, otandyq bızneske kerekti quraldardyń baǵdarlamasyn usyný oıymyzda», deıdi Ádil.
Ádil – 22 jasta. Qarqaraly aýdany Aqqora aýylynda dúnıege kelgen. Qaraǵaıly kentinde №16 jalpy bilim beretin mektepti oıdaǵydaı bitirgen. Ábilqas Saǵynov atyndaǵy Qaraǵandy tehnıkalyq ýnıversıtetin taý-ken ınjeneri mamandyǵy boıynsha támamdap shyqqan. Ákesi Marat Mýsın de, anasy Jazgúl Sovetqyzy da óndiris salasynda eńbek etip júr. Oqýdy ozat bitirgen Ádilge de osy saladaǵy kompanııalardan birneshe ret shaqyrtý túsken. Biraq Ádil IT salasy baǵytyn tańdapty. Biz bilgen Ádildiń izgi álemi ázirge osy.
Qaraǵandy oblysy
