Foto: pixabay
Olımpıadalyq sport túrleri boıynsha qazaqstandyq sportshylar 121 altyn, 111 kúmis, 141 qola, barlyǵy 373 medalge qol jetkizdi.
Olımpıadalyq emes sport túrlerinen el qorjynyna túsken 118 medaldiń 53-i altyn, 38-i kúmis, 27-si qola.
95 júldeni qazaqstandyq parasportshylar jeńip alǵanyn aıta ketý kerek. Paralımpıadalyq sport túrleri boıynsha bizdiń qurama qorjyny 33 altyn, 33 kúmis jáne 27 qola medalmen tolyqty.
«Bizdiń sportshylar el aýmaǵynda jáne shetelde ótetin halyqaralyq jarystarda elimizdiń atynan laıyqty óner kórsetip keledi. Osy rette, bokstan qurama komandanyń Tashkentte ótken álem chempıonatynda 4 altyn jáne 1 kúmis medal jeńip alyp, jalpykomandalyq 2-shi orynǵa ıe bolǵanyn atap ótken jón. Sondaı-aq Italııada ótken álem chempıonatynda semserlesýshi Rýslan Qurbanov Qazaqstan tarıhynda birinshi bolyp qola medal ıelendi. Sonymen qatar karateden Azııa chempıonatynda jalpykomandalyq esepte birinshi oryn alǵanymyzdy, mergenderimizdiń reıtıngtik álem kýboginiń medaldyq esebindegi birinshi ornyn úlken maqtanyshpen atap ótýge bolady», dedi QR MSM Sport jáne dene shynyqtyrý isteri komıtetiniń tóraǵasy Erbol Myrzabosynov.
