Sport • 22 Tamyz, 2023

Astanada alǵash ret djıý-djıtsýdan álem chempıonaty ótip jatyr

1 mın

oqý úshin

Astana qalasynda alǵash ret djıý-djıtsýdan jasóspirimder men kadetter arasynda 14-21 jas sanattary boıynsha álem birinshiligi ótip jatyr, dep habarlaıdy Egemen.kz.

Shyńǵys MUQAEV

Sportty damytý dıreksııasy ınstagram
Álemniń 42 elinen 1000-nan astam sportshylar jınalǵan baıraqty básekede Qazaqstan qurama komandasynan 194 úzdik sportshy el namysyn qorǵaıdy.

Saltanatty ashylý rásimine QR Mádenıet jáne Sport mınıstrligi Sport jáne dene shynyqtyrý isteri komıtetiniń tóraǵasy Erbol Myrzabosynov, Halyqaralyq Djıý-djıtsý federasııasynyń prezıdenti Teodoropýlos Panaıotıs, Astana qalasynyń Dene shynyqtyrý jáne sport basqarmasynyń basshysy Samat Jylqybaev, QR djıý-djıtsý qaýymdastyǵynyń prezıdenti Qýat Saǵıev qatysty.

«Búgingi tańda djıý-djıtsý sport túri elimizge kelgenine az ýaqyt bolsa da, keıingi eki jylda úlken jetistikterge jetti. Oǵan dálel, JJIF ( Djıý Djıtsý Halyqaralyq Federasııasy) álemdik deńgeıde osy sport túrin damytýda úlken úles qosqany úshin, Qazaqstandaǵy djıý-djıtsý sport túrin dúnıejúzinde ekinshi oryn dep tanydy. Bul biz úshin úlken maqtanysh. Memleket basshysy Qasym-Jomart Toqaevtyń tikeleı qamqorlyǵynyń arqasynda elimizde otandyq sportqa asa úlken kóńil bólinedi. Sonyń nátıjesinde, búginde otandyq djıý-djıtsýshylar álem birinshilikterinde joǵary nátıjemen qýantýda», dedi Sport jáne dene shynyqtyrý isteri komıtetiniń tóraǵasy Erbol Myrzabosynov.

Dúbirli doda 25 tamyzǵa deıin J.Úshkempirov atyndaǵy Jekpe-jek saraıynda jalǵasady. Chempıonattyń aqtyq beldesýleri «Qazsport» telearnasynan tikeleı efırde kórsetiledi.