Sýretti túsirgen Erlan OMAR, «EQ»
Aýyl sharýashylyǵy óndirisin damytý jáne qyrdaǵy jurtshylyqty jappaı jumyspen qamtý maqsatynda 2023 jylǵa «Aýyl Amanaty» baǵdarlamasy boıynsha 2,059 mlrd teńge bólingen edi. Bul qarajatqa 535 jumys ornyn ashyp, 425 shaǵyn nesıe berý josparlanyp otyr.
«Aýyl amanaty» baǵdarlamasyna qatysatyn Abaı oblysynyń 6 aýdany anyqtaldy. Atap aıtqanda, Abaı, Aqsýat, Aıagóz, Jarma, Kókpekti, Úrjar aýdandarynda atalǵan baǵdarlama talaptaryna saı jumystar atqarylady.
Eki baǵyt boıynsha shaǵyn nesıeler berý júzege asady. Iаǵnı mal sharýashylyǵy salasynda 1 548 331 000 teńgege 316 shaǵyn nesıe berý kózdelse, ósimdik sharýashylyǵy salasynda 511 mln 250 myń teńgege 109 shaǵyn nesıe berý josparlanyp otyr. Nesıeleý jumystaryn oryndaý ótken shilde aıynan oryndala bastaǵan. Senim bildirilgen agent retinde anyqtalǵan «Semeı» ÁKK» AQ maýsym aıynda aýyldyq okrýg ákimderine nesıe berý sharttary boıynsha semınar ótkizgen edi. Joǵaryda aıtylǵan 6 aýdanda sharttardy túsindirý jáne qujattardy qabyldaýmen aýyldyq ákimdik qyzmetkerleri aınalysady.
Qazirgi ýaqytta «Semeı» ÁKK» AQ agenttiń shotyna 1 mlrd 245 mln teńge kóleminde bıýdjet qarajaty aýdarylǵan eken. Qalǵan 814,8 mln teńgeni aldaǵy qyrkúıek aıynda ıgerý kózdelip otyr. Qujattardy qabyldaý barlyq 6 aýdanda bastaldy.
Qazirgi kúnde 466,2 mln teńgeni qamtıtyn 77 ótinim qaralyp, sol oraıda qajetti nesıeler berý týraly oń sheshim qabyldanǵan.
Abaı oblysy
