«Mektepke hıdjab kııý máselesi - qoǵamda keńinen talqylanyp jatqan ózekti taqyryp. Ata zańymyzda kórsetilgendeı, biz úshin zaıyrlylyq ustanymy birinshi orynda turady. Ekinshiden, buǵan qatysty ustanymdar ártúrli. Keıbir qoǵamdyq pikirdi qalyptastyrýshylar manıpýlıasııaǵa ıtermeleıtin sııaqty. Keı jeli qoldanýshylary bul másele halyqaralyq tájirıbede, álem elderinde sheshimin tapqan dep úzildi-kesildi jazǵan. Menińshe, bul feık aqparat. Keıbir damyǵan Fransııa, Avstrııa sııaqty elderde jasyna baılanysty shekteý qoıǵan. Árıne, ruqsat etetin memleketter de bar», dedi Aqparat mınıstri.
Sonymen qatar mınıstr eń bastysy memleket ishinde iritki salýǵa jol bermeýdiń asa mańyzdy ekenin tilge tıek etti.
«Bizde mektep formasy bekitilgen jáne ol týraly áriptesim Ǵanı Bektaıuly aıtyp berdi. Sondaı-aq eldegi dinı senim bostandyǵyna da qurmetpen qaraıtynymyzdy aıta ketý kerek. Memlekette bul úshin barlyq jaǵdaı jasalǵan. Mysaly, din isterine qaraıtyn qyz balalardyń bilim alýyna jaǵdaı jasalǵan medrese men kolledjder bar. Keıde bul máselege dástúr turǵysynda da qarap jatady. Bilim berý mekemeleriniń basty maqsaty – oqytý, balaǵa bilim berý. Qurandaǵy alǵashqy ámirdiń ózi «oqy» dep bastalǵanyn bilemiz. Al eń bastysy – bul taqyrypty saıasılandyryp almaý. Sebebi saıasılaný men radıkaldaný eń áýeli dinniń ózine qanshalyqty qaýipti ekenin Taıaý Shyǵys elderinen jaqsy kórip otyrmyz», dedi Darhan Qydyráli.
