Fınlıandııa IBA-men qoshtasty

Atalǵan eldiń boks federasııasynyń atqarýshy dırektory Marko Laıneniń aı­týyn­sha, Fınlıandııa jańadan qurylǵan World Boxing uıymyna qosylady.

– Halyqaralyq boks qaýymdastyǵy 2019 jyldan beri Olımpııalyq oıyndarǵa irikteý týrnırin ótkizý quqyǵynan aıyrylǵan. Al bıyldan bastap Halyqaralyq olımpııalyq komıtet IBA-ny múldem moıyndamaıtynyn málimdedi. Olımpıadaǵa boksshylardy irikteýmen endi HOK-tyń ózi aınalysady. Al biz Olımpıadaǵa qatysqymyz keledi. Sondyqtan World Boxing uıymy arqyly tórtjyldyqtyń basty jarysyna qatysýdy maqsat etip otyrmyz, – dedi ol.

Bıyl World Boxing uıymy qurylǵan. Ázirshe ony HOK-tyń ózi moıyndaǵan joq. HOK World Boxing uıymyna qatys­ty she­shimdi Halyqaralyq boks qaýym­das­ty­ǵynyń isin teksergennen keıin qabyldaıdy.

Qazir jańadan qurylǵan boks uıymyna AQSh, Aýstralııa, Anglııa, Ulybrıtanııa, Nıderland, Jańa Zelandııa, Kanada, Bra­zılııa, Argentına, Germanııa, Gondýras jáne Shvesııa elderiniń boks federasııalary múshe. Al Qazaqstan boks federasııa­sy Halyqaralyq boks qaýymdastyǵynyń quramynda.