Foto: time.kz
Qaraǵandy oblysyndaǵy keı mektepterde 7-11 synyp oqýshylary 6 kún oqıdy. Bul ekinshi aýysymdaǵy sabaqtar kesh aıaqtalatyn bilim oshaqtarynda bolady. Al 1-6 synyp oqýshylary bes kún oqıdy.
«Balam bıyl mektep bitiredi. JOO-ǵa túsýge daıyndalýymyz kerek. Senbide balam ýnıversıtetke túsý úshin qosymsha kýrstardan ótedi dep josparladyq. Oblystyń bilim basqarmasy Oqý-aǵartý mınıstrliginiń buıryǵyn nege buzady?» degen turǵyda ata-analar shaǵymdanǵan.
«Birinshi aýysym sabaqtary saǵat 8.00-de bastalyp, 14.05-te aıaqtalady (7 sabaq). Ekinshi aýysym 14.45-te bastalyp, 20.50-de bitedi (7 sabaq). Byltyrǵy oqý jylynda ekinshi aýysym oqýshylarynyń ata-analary sabaqtyń qarańǵy túsip ketken ýaqytta aıaqtalýyna narazylyqtaryn bildirip, qys aılarynda tipti qıyn ekenin aıtty. Osyǵan baılanysty 7, 8, 9, 10 jáne 11 synyptardyń oqý sabaqtaryn 6 kúnge bólý týraly sheshim qabyldandy», dep málimdedi Qaraǵandy oblysynyń bilim basqarmasy.
