Foto: facebook.com/bisembieff
«Belgili jýrnalıst, «Zeıin Atyraý» erekshe balalardy ońaltý ortalyǵynyń negizin qalaǵan Araılym Baǵytjan Antalıadaǵy iri jol apatyna túsip, ómirden ótti. Áriptesimizben birge onyń kishkentaı sábıi de o dúnıelik boldy. Joldasy qıyn jaǵdaıda aýrýhanada jatyr», dep jazdy Jasulan Bısembıev Facebook paraqshasynda.
Ol, sondaı-aq qazir Qazaqstannyń Túrkııadaǵy elshiligimen kelisimder júrgizilip jatqanyn qosa habarlady.
«Aýrýhanada qıyn jaǵdaıda jatqan baýyrymyzdyń tıisti em alýyna jaǵdaı jasalýda. Jerlesterimizdiń súıegin elge aldyrtý boıynsha jumys júrgizip jatyr. Marqumnyń otbasyna qaıǵyryp kóńil aıtamyn», dep qosty ol.
Qazaqstan Respýblıkasynyń Syrtqy ister mınıstrligi bul qaıǵyly jaǵdaıǵa qatysty túsinikteme berip, oqıǵanyń mán-jaıy jaıly naqty aqparat berdi.
«3 qyrkúıekte Túrkııanyń Alanııa qalasynda jol apaty boldy. Qazaqstan azamattary safarı-djıpte otyrǵan. О́kinishke qaraı, 1989 jyly týǵan Araılym Baǵytjan men onyń 2 jasar qyzy oqıǵa ornynda jan tapsyrǵan. Araılym Baǵytjannyń 1986 jyly týǵan joldasy aýrýhanaǵa jetkizilip, jansaqtaý bólimine jatqyzyldy. 2014 jyly týǵan ul balalaryna da medısınalyq kómek kórsetildi, qazir onyń ómirine qaýip tónip turǵan joq. Qazaqstan dıplomattary qaıtys bolǵan azamattardyń týystarymen kelissóz júrgizip jatyr. Qajetti kómek kórsetiledi», delingen mınıstrlik habarlamasynda.
