Polshalyq Martına Kýbkamen jup quraǵan ol barlyq qarsylasyn sypyra utyp, fınalda Italııadan kelgen myqtylar – Angelıka Moratellı men Kamılla Rozatellodan 7:6, 6:4 esebimen basym tústi. Sóıtip, Qulambaeva óziniń karerasynda ITF dodalarynda 23-márte bas júldeni oljalady. Pragadaǵy jarys aıaqtalǵan bette Italııanyń Barı qalasynda WTA 125 týrnıriniń tusaýy kesildi. Irikteý synynyń fınalynda chehııalyq Anna Shıshkovany 6:2, 6:4 esebimen jeńgen Jibek endi negizgi básekede baq synaıdy.
Al Nıý-Iorkte ótip jatqan AQSh-tyń ashyq birinshiliginiń aralas juptar arasyndaǵy saıysynda qazaqstandyq Anna Danılına men fınlıandııalyq Harrı Helıovaar kezekti kezeńde amerıkalyq Alısııa Parks pen Denıs Kýdlany 6:3, 6:3 esebimen eńserip, shırek fınalǵa joldama aldy.
