Foto: Túrkistan oblysy ákimdigi. Telegram
Aıta keterligi, atalǵan eki sportshy Qazaqstannyń paraakademııalyq esý sporty tarıhynda tuńǵysh ret álem chempıonatyna qatysýshylar retinde sport jylnamasyna enip otyr. Eger joǵary nátıjege qol jetkizetin bolsa, Parıj paralımpıadasyna joldamaǵa ıe bolady.
Túrkistan oblysy men Shymkent qalasynyń eskek esý jáne jelkendi sport qaýymdastyǵynyń tóraǵasy, Sý sporty túrlerinen Túrkistan oblystyq sport mektebiniń dırektory Denıs Jarmenov Halyqaralyq akademııalyq eskek esý federasııasynyń (FISA) basshysy Jan-Krıstof Rollanmen, sondaı-aq Halyqaralyq akademııalyq eskek esý federasııasynyń (FISA) Bas hatshysy Vınsent Geıllardpen kezdesti. Júzdesýde Túrkistan óńirinde akademııalyq eskek esý sportynyń damý qarqyny týraly baıandalyp, Qazaqstanda akademııalyq eskek esý sportyn damytý boıynsha birlese jumys atqarý bastamalary talqylandy. Jan-Krıstof Rollanǵa Qazaqstanǵa, onyń ishinde Túrkistan qalasyna jumys saparymen kelý jóninde usynys aıtyldy.
Aıta ketelik, paraakademııalyq sportty damytý Qazaqstan boıynsha tuńǵysh ret Túrkistan oblysynda qolǵa alynyp, damý ústinde. Bul baǵytta naqty jumystar atqarylyp jatyr. Aldaǵy ýaqytta aımaq sportshylary Paralımpıada oıyndaryna, álemdik dodalarǵa kóptep qatysady degen jospar bar.
