33 memleketten kelgen 150 sportshynyń qatysýymen ótken jarysta Qytaı quramasy mol oljaǵa keneldi. Olar 3 altyn, 3 kúmis jáne 3 qola medaldy ıelenip, jalpykomandalyq esepte bas júldeni oljalady. Atap aıtsaq, Kýaı Men (áıelder), Lın Shıdýn/Sıýı Inbın (erlerdiń juptyq saıysy), Chen I/Kýaı Men (áıelderdiń juptyq saıysy) jeńis tuǵyrynyń eń bıik satysyna kóterilse, Sıan Pen (erler), Fan Sısy (áıelder), Lıý Veıshan/Fan Sısy (áıelderdiń juptyq saıysy) kúmispen kúpteldi. Al Shı Sıýnıao (áıelder), San Ven/Sıýı Haıdýn (erlerdiń juptyq saıysy) jáne Sıan Pen/ Lıý Veıshan (mıkst) qolaǵa qol sozdy. Erler jarysynda taıpeılik Lın Iýnjý top jarsa, mıkste Ońtústik Koreıanyń ókilderi Cho Deson/Djý Chhonhýeı shashasyna shań juqtyrmady. Sondaı-aq júldegerler sanatyna qosylǵandar arasynda Portýgalııa, Shvesııa, Germanııa jáne Fransııanyń ústel tennısshileri de bar.
О́kinishke qaraı, bul jarysta Qazaqstannyń birde-bir sportshysyna júlde alý baqyty buıyrmady. Sebebi elimizdiń úzdik oıynshylary Ońtústik Koreıanyń Phenchhan qalasynda ótip jatqan Azııa chempıonatyna qatysýda. Al olardyń izin basqan jastar básekege qabiletti bolmaı shyqty.
