Búgin fýtboldan ulttyq quramanyń bas bapkeri Magomed Adıev pen fýtbolshylar Ashat Taǵybergen, Bahtıer Zaınýtdınov baspasóz konferensııasynda jýrnalısterdiń saýalyna jaýap berdi. Ulttyq qurama kapıtany Ashat Taǵybergen aldaǵy oıynǵa 100 paıyz daıyn ekendigin jetkizdi.
«Bizdiń fýtbolshylar Danııa quramasyna azýyn batyra almaı kelip edi, olardy da uttyq, endeshe Fınlıandııany da yǵystyrýǵa bolady, quramadaǵy jigitter mańyzdy matchta baryn salady», dedi kapıtan.
Túrkııanyń «Beshıktash» klýbyna aýysqan Bahtıer Zaınýtdınov upaı qajet tartysta kimniń gol soǵýy mańyzdy emestigin, oıynshylar jeńiske jetý jolynda aıanbaıtynyn aıtty.
Bas bapker M.Adıev quramada jańa esimderdiń qatary artyp, jańa oıynshylardy shaqyrǵanyn, olar quramaǵa kúsh qosyp, serpin beretinine senim bildirdi.
Qazaqstan ulttyq quramasy erteń keshki saǵat 20:00-de «Astana Arena» stadıonynda Fınlııandııa quramasyna qarsy alańǵa shyǵady.
