Álemde bolyp jatqan qarýly qaqtyǵystar bizge áýe qorǵanysy júıesiniń mańyzy qanshalyqty joǵary ekendigin baıqatyp otyr. О́ıtkeni qazir tek joıǵysh ushaqtar ǵana emes, alys qashyqtyqqa jetetin ballıstıkalyq zymyrandar men shabýyldaýshy drondardyń da qaýpi kún saıyn artyp keledi.
Oqý-jattyǵýǵa elimizdiń Qarýly kúshteri men áýe shabýylyna qarsy qorǵanys quraldarynan basqa Qyrǵyzstan Qarýly kúshteri zenıttik-zymyrandyq keshenderiniń jaýyngerlik eseptoptary da qatysady. Onyń belsendi kezeńin Armenııa, Qyrǵyzstan, Reseı jáne О́zbekstannyń qorǵanys vedomstvolary men ÁShQQ áskerleriniń ókilderi baqylamaq.
TMD-ǵa múshe elderdiń birikken ÁShQQ júıesi sheńberinde oqý-jattyǵýǵa jumylǵan elderdiń syrtqy shekaralaryn kúzetý boıynsha birlesken jaýyngerlik kezekshilik júzege asyrylady. Bul is-shara 1995 jylǵy 10 aqpandaǵy TMD-ǵa qatysýshy memleketterdiń birikken áýe shabýylyna qarsy qorǵanys júıesin qurý týraly kelisimge sáıkes uıymdastyrylyp otyr. Jospar boıynsha oqý-jattyǵý eki jylda bir ret ótip otyrady.
