Bir qyzyǵy, ádettegideı, aıy-kúni jaqyndaǵan aıaǵy aýyr kelinshek perzenthanaǵa tolǵaqpen túskende, ýltradybystyq zertteý ishtegi shaqalaqtyń salmaǵy 4 800 gramm ekendigin kórsetken.
Jańa týǵan náresteler bólimshesiniń meńgerýshisi Sáýle Kenenbaevanyń aıtýynsha, bul ýltradybystyq zertteý kezinde balanyń salmaǵy bastyń bıparıetaldy ólshemi men quıryq-parıetaldi ólshemine baılanysty esepteledi.
Akýsher-mamandar náreste anasynyń qursaǵynda durys jatpaǵandyqtan, naýqas kesar tiligimen bosandyryp alýǵa sheshim qabyldaıdy. Alaıda sábıdiń osyndaı dál salmaqpen dúnıege kelgenine tek kesarlyq bólimniń dárigerleri ǵana emes, tipti anasy da tań qalǵan. О́ıtkeni buǵan deıin sheshesi ishinde iri bala jatqanynan beıhabar bolyp kelgen.
«Osy kúnge deıin prezenthanamyzda mundaı «alyp bala» týmaǵan, salmaǵy 6300 gramm bolatyn sábı – bizde dúnıege kelgen eń úlken bala. Bosaný operasııalyq ádispen júzege asyryldy. Operasııa sátti ótti. Bosandyrý oıdaǵydaı aıaqtaldy. Ana da, uly da sap-saý, aman-esen. Bul otbasyndaǵy úshinshi bala», deıdi Sáýle Kenenbaeva.
Qazir balpanaqtaı bala tapqan ana men sábıi perzenthananyń medısına qyzmetkerleriniń táýlik boıy baqylaýynda jáne jýyq arada perzenthanadan shyǵýǵa daıyndalyp jatyr.
ALMATY
