«Brakoner» jedel-profılaktıkalyq is-sharasyn ótkizý kezinde polısııa qyzmetkerleri 515 keli zańsyz aýlanǵan balyq pen 2,5 tonna Artemııa-salına shaıanyn tárkiledi.
Pavlodar qalasynda 35 jastaǵy jergilikti turǵynnyń basqarýymen Mitsubishi Montero Sport avtokóligi toqtatyldy. Avto salonyn qaraý kezinde jedel qyzmetkerler jalpy salmaǵy 515 keli bolatyn 23 qap balyq (móńke, sazan) taýyp alyp, tárkiledi. Júrgizýshide balyq aýlaýǵa ruqsat beretin qujattar bolǵan joq. Anyqtalǵandaı, turǵyn Pavlodar oblysyndaǵy kólderdiń birinde balyqty zańsyz aýlaǵan. Sonymen birge 3 qyrkúıek kúni reıdtik is-sharalar barysynda polıseıler Pavlodar qalasynyń turǵynyn ustady, onyń GAZel kóliginen jalpy salmaǵy 2,5 tonnadan asatyn 53 qap Artemııa-salına shaıany tabyldy», delingen habarlamada.
Pavlodar oblysy PD uıymdasqan qylmysqa qarsy kúres basqarmasynyń bastyǵy Ǵabıt Qabdrahmanov tıisti saraptama taǵaıyndalyp, atalǵan faktiler boıynsha QR QK-niń 335-babymen sotqa deıingi tergep-tekserý bastalǵanyn málimdedi.
