Foto: kff.kz
«Bizdiń ulttyq quramanyń Soltústik Irlandııanyń myqty komandasymen alańdaǵy kezdesýin qyzyǵa tamashaladym. Oıyn óte qyzyqty ári tartysty ótti. Qazaq fýtbolshylary qarsylas komandaǵa tótep berip, 1:0 esebimen laıyqty jeńiske qol jetkizdi. Qazaqstan ulttyq quramasy jáne olardyń myńdaǵan jankúıerleri úshin qýanyshtymyn. Ásirese «Astana jastary» men basqa da uıymdar eriktileriniń, sondaı-aq jekelegen azamattardyń, belsendilerdiń úlgi alarlyq isin aıryqsha atap ótkim keledi. Olar oıynnan soń stadıonda qalyp, trıbýnadaǵy qoqysty jınap shyqty. Fýtbolshylarymyzdy jáne jastarymyzdy maqtan tutamyn», dep jazdy Memleket basshysy áleýmettik jelidegi paraqshasynda.
Keshe elordadaǵy «Astana Arena» stadıonynda Qazaqstan men Soltústik Irlandııa quramalary arasynda ótken matchtan keıin erikti jastar stadıondaǵy qaldyq zattardy jınap, kópshiliktiń yqylasyna bólendi. Elordalyq erikti jastar Astana qalasynyń tazalyǵy úshin aıanbaıtynyn jáne vandalızmge jol bermeıtindigin osyndaı ıgi isterimen pash etip, Memleket basshysynyń alǵysyna bólendi.
