«Sýdy baıaý súzý» dep atalatyn tehnologııanyń qurylysy ońaı, ári oǵan tehnıkalyq qyzmet kórsetý ádisi de arzan. Sondyqtan da osy ádispen shaǵyn ǵana aýyldy taza sýmen qamtamasyz etýge bolady eken.
Ǵylym jáne joǵary bilim mınıstrliginiń baspasóz qyzmetiniń aqparatyna súıensek sýdy daıyndaýdyń jáne tazartýdyń dástúrli tehnologııalary birneshe prosesterden turatyn kúrdeli tehnologııany qamtıdy: tundyrý, súzý, zalalsyzdandyrý. Onyń ústine sý qoımalarynyń qatty lastanýyna baılanysty qolda bar sý tazartý qurylǵylary tıisti nátıje bermeıdi. Ekinshi jaǵynan, qazir aýyz sýdyń sapasyna qoıylatyn talaptar da artyp otyr, sol sebepti sý tazartý júıelerin ornatý quny da ósip jatyr. Osynyń saldarynan shalǵaıdaǵy shaǵyn aýyldarda taza sýdyń baǵasy qazir sharyqtap tur.
Atalǵan ýnıversıtettiń ǵalymdary osyǵan deıin belgili bolǵan, alaıda umyt qalǵan tehnologııany, ıaǵnı aýyz sýdy baıaý súzip tazartý ádisin qaıtadan zerttep, Qazaqstannyń jaǵdaıyna qaraı beıimdedi.
Aýyz sýdy daıyndaýǵa arnalǵan baıaý súzgiler sýdy laıdan tazartyp qana qoımaıdy, sonymen qatar onyń quramyndaǵy erekshe organıkalyq, beıorganıkalyq lastaýshy zattar men bakterııalardy da tazartady. Ári bul rette eshqandaı da hımııalyq reagentter paıdalanylmaıdy.
