Almaty • 11 Qyrkúıek, 2023

Almatyda alyp sábı dúnıege keldi

294 ret

kórsetildi

1 mın

oqý úshin

Eger jaryq dúnıeniń esigin jańa ashqan náresteniń salmaǵy 4 kılodan assa, onda iri bala dep esepteledi. Aman-esen 5 kılodan asqan sábı dúnıege kelip jatsa, «alyp bala» týdyń dep qýanamyz. Al endi Almaty qalasyndaǵy №5 qalalyq perzenthanada alǵash ret salmaǵy 6 kılodan asqan balpanaqtaı bala dúnıege keldi.

Aınash ESALI

Bir qyzyǵy, ádettegideı, aıy-kúni jaqyndaǵan aıaǵy aýyr kelinshek perzenthanaǵa tolǵaqpen túskende, ýltradybystyq zertteý ishtegi shaqalaqtyń salmaǵy 4 800 gramm ekendigin kórsetken.

Jańa týǵan náresteler bólimshesiniń meńgerýshisi Sáýle Kenenbaevanyń aıtýynsha, bul ýltradybystyq zertteý kezinde balanyń salmaǵy bastyń bıparıetaldy jáne quıryq-parıetaldi ólshemine baılanysty esepteledi.

Akýsher-mamandar náreste anasynyń qursaǵynda durys jatpaǵandyqtan, kesar tiligimen alýǵa sheshim qabyldaıdy. Alaıda sábıdiń dál osyndaı salmaqpen dúnıege kelgenine tek kesarlyq bólimniń dárigerleri ǵana emes, tipti anasy da tańǵalǵan.

«Osy kúnge deıin perzenthanamyzda mundaı alyp týmaǵan, salmaǵy 6300 gramm sábı – bizde dúnıege kelgen eń úlken bala. Bosaný operasııalyq ádispen júzege asyryldy. Operasııa sátti ótti. Bosandyrý oıdaǵydaı aıaqtaldy. Ana da, uly da sap-saý, aman-esen. Bul otbasyndaǵy úshinshi bala», deıdi Sáýle Kenenbaeva.

Qazir balpanaqtaı bala tapqan ana men sábıi perzenthananyń medısına qyzmetkerleriniń táýlik boıy baqylaýynda jáne jýyq arada perzenthanadan shyǵýǵa daıyndalyp jatyr.

ALMATY