Foto: ashyq derekkóz
Qazaqstannyń erkin kúres balýandary álem chempıonatynan 6 altyn, 10 kúmis, 4 qola medal oljalady. Eresekterdiń beldesýinde 70 keli salmaqta Shadııar Pernesh álem chempıony atandy. Nurmahan Bókeev (57 keli), Jaqsylyq Dosymjan (65 keli), Shyńǵyshan Áldibaev (86 keli), Haırathaan Shonký (125 keli) fınaldyq beldesýde súrinip, kúmis medal alsa, Ǵasyr Turǵynbaı (74 keli), Sabyrjan Rsaly (79 keli) qola júldeni qanaǵat tutty.
Jastar arasynda kúreske túsken balýandarymyz da oljaly boldy. Andreı Samarın 65 kelide álem chempıonatynyń altyn medalin oljalady. Nurhan Moldaǵalı (57 keli), Kámil Orazbaev (70 keli), Ramazan Ázı (86 keli), Eskendir Janǵabylov (74 keli) kúmis medal, Raıymbek Amangeldi (79 keli) men Konstantın Borodın (97 keli) qola júlde ıelendi.
Otandastarymyz kadetter arasynda da jalpykomandalyq esepte kósh bastap, 4 altyn, 2 kúmis medalmen oraldy. Jasóspirimder arasynan alty birdeı balýanymyz fınaldyq beldesýge tústi. Daryn Asqar (48 keli), Rústem Qamıden (51 keli), Eldar Salqynbek (55 keli), Nyshanbek Myrzahmet (60 keli) álem chempıony atandy. Dýlat Sholpanbaı (65 keli) jáne Aıqyn Jylqyshybaı (71 keli) kúmispen kúpteldi.
Estý qabiletine zaqym kelgen sportshylar arasyndaǵy álem chempıonatyna 16 memleketten 300-den asa balýan qatysty.
