Senat Tóraǵasy óz sózinde jańa ekonomıkalyq úlginiń perspektıvalaryna nazar aýdardy. Sondaı-aq ol kásipkerlik áleýetti jáne basqa da mańyzdy faktorlardy eskere otyryp, ekonomıkany ártaraptandyrý kerektigine basa mán berdi.
«Prezıdent elimizdiń ekonomıkalyq saıasatynyń sapaly jańa úlgisine kóshý úshin mańyzdy mindetterdi belgilep berdi. О́nerkásip, aýyl sharýashylyǵy, kólik jáne logıstıka, qarjy salalarynyń serpindi damýyn odan ári nyǵaıtý úshin keshendi sharalar qabyldanady», dedi Máýlen Áshimbaev.
Sonymen qatar is-sharada óńirlerdiń derbestigin arttyrýǵa arnalǵan bastamalar asa mańyzdy ekeni aıtyldy. Máýlen Áshimbaev bul qadam elimizdiń odan ári teńgerimdi damýyna yqpal etetinin atap ótti. Osyǵan baılanysty Senat Spıkeri múddeli taraptardy júıeli ózara is-qımyl ornatýǵa shaqyrdy.
«Ákimshilik reformalardyń aıasynda ortalyqtan óńirlerge birqatar quzyret, onyń ishinde salyqtardy paıdalaný boıynsha ókilettikter beriledi. Osy oraıda Memleket basshysynyń reformalaryn zańnamalyq turǵydan qamtamasyz etý úshin Senat Májilistegi, Úkimettegi áriptesterimen, sarapshylarmen jáne múddeli azamattarmen birlesip, sapaly jumys isteýdi kózdeıdi», dedi Máýlen Áshimbaev.
Otyrys barysynda Senat janyndaǵy Jas sarapshylar klýbynyń músheleri sóz sóılep, jańa ekonomıkalyq baǵdardy iske asyrýǵa qatysty óz usynystaryn jetkizdi. Naqty aıtqanda, «Desht» taldaý ortalyǵynyń basshysy Qýanysh Jaıyqov, Qazaqstan Respýblıkasynyń Prezıdenti janyndaǵy QSZI ekonomıkalyq saıasatty taldaý bóliminiń basshysy Anna Alshanskaıa, «Applied Economics Research Centre»-diń konsýltanty Evgenııa Pak, jobalyq basqarý salasynyń sarapshysy Aleksandr Kım, Big data-men jumys boıynsha analıtık Rollan Sapyshev jáne taǵy basqa sarapshylar qaýymdastyǵynyń ókilderi baıandama jasady.
