Taǵaıyndaý • 13 Qyrkúıek, 2023

«Habar» agenttiginiń basqarma tóraǵasy taǵaıyndaldy

1490 ret

kórsetildi

1 mın

oqý úshin

Kemelbek Oıshybaev «Habar agenttigi» AQ basqarma tóraǵasy bolyp taǵaıyndaldy, dep habarlaıdy Egemen.kz.

Botakóz BAQBERGEN

«Habar» agenttiginiń basqarma tóraǵasy taǵaıyndaldy

Foto: ashyq derekkóz

«Búginnen bastap «Habar» Agenttigi Aksıonerlik qoǵamynyń basqarma tóraǵasynyń mindetin atqarýǵa kiristim. Basty maqsatymyz - «Habar», «Habar 24», «El arna» arnalarynyń teleómenimderin damytyp, halyqqa kerekti, qyzyqty kontent jasaý. Jastarymyzdy tárbıeleý, aǵartýshylyqpen durys jolǵa salý baǵytynda nátıjeli bolýymyz úshin ınternet jelilerinde arnalardy qarqyndy damytýymyz kerek. Osy maqsattarǵa agenttiktiń komandasymen birge jetý úshin bar kúsh qýatymdy, tájirıbemdi jáne bilimimdi jumsaýǵa daıynmyn», dep jazdy Kemelbek Oıshybaev áleýmettik jelidegi paraqshasynda.

Kemelbek Oıshybaev 1977 jyly Batys Qazaqstan oblysynda dúnıege kelgen.

Ál-Farabı atyndaǵy Qazaq ulttyq ýnıversıtetin, Qazaq gýmanıtarlyq zań ýnıversıtetin, sonymen qatar Geneva Business School (Shveısarııa) MVA baǵdarlamasyn támamdaǵan.

Eńbek jolyn 2000 jyly «Interfaks-Qazaqstan» AA» JShS tilshisi bolyp bastaǵan.

Ár jyldary kommersııalyq qurylymdarda eńbek etti.

2015-2016 jyldary «QazMedıa ortalyǵy» basqarýshy kompanııasy» JShS-da, QR Aqparat jáne kommýnıkasııalar mınıstrligi janyndaǵy Ortalyq kommýnıkasııalar qyzmetinde basshylyq laýazymdardy atqardy.

2016-2017 jyldary — «Qazaqstan» teleradıokorporasııasy» AQ basqarma tóraǵasy.

2019-2020 jyldary — «Rýhanı jańǵyrý» qazaqstandyq qoǵamdyq damý ınstıtýty» KEAQ basqarma tóraǵasy.

2020 jylǵy maýsymnan bastap 2022 jylǵa deıin QR Aqparat jáne qoǵamdyq damý vıse-mınıstri boldy.

Aıta ketsek, buǵan deıin «Habar Agenttigi» AQ basqarma tóraǵasy bolǵan Berik Ýálı Qazaqstan Respýblıkasy Prezıdentiniń keńesshisi – Prezıdenttiń Baspasóz hatshysy laýazymyna taǵaıyndaldy.