Oblys ortalyǵyndaǵy Táýelsizdik alańynda Kókshe jurtshylyǵy aqsúıek ónerdiń aqsuńqarlaryn qushaq jaıa qarsy alyp, kezdesý rásimi ótkizildi. Aqyl-oıdyń kerýeni elimizdiń barlyq óńirin aralap shyqpaq. Bul jolǵy sapar Petropavl, Qostanaı, Qaraǵandy qalalary arqyly jalǵaspaq. Súmbileniń aq jaýyny quıyp tursa da, kezdesýge kelýshiler qatary kóp. Osyǵan qarap-aq jerlesterimizdiń shahmat sportyna degen ystyq yqylasyn ańǵarýǵa bolady. Aǵa býynnyń aıtýyna qaraǵanda, osy ónerge yntyq jastardyń qatary kún saıyn ósip keledi.
«Shahmat oıynyna Memleket basshysy Qasym-Jomart Toqaev meılinshe nazar aýdaryp otyr, – dedi oblystyq máslıhattyń ári oblystyq shahmat federasııasynyń tóraǵasy Beıbit Júsipov. – Búginde elimizde 200 myńnan astam adam sporttyń osy túrimen aınalyssa, olardyń tórtten biri – balalar. Bıylǵy qyrkúıek aıynan óńirdegi jalpy bilim beretin mektepterde shahmat fakýltatıvtik sabaq retinde ótkizile bastady. Qazir oblystaǵy 753 úıirmede 7 myńǵa jýyq oqýshy shahmat sportymen shuǵyldanady.
Kerýendi qarsy alyp, kózaıym bolǵan kópshilik shahmat jarysyn uıymdastyrdy. Jeńimpazdar 10 qarasha kúni Túrkistan qalasynda ótetin aqtyq synǵa joldama alady.
KО́KShETAÝ
