Foto: azattyq-ruhy.kz
Latvııa bıligi Belarýs jáne Reseımen shektesetin aımaǵynda reseılik kólikterdiń júrýine tıym saldy. Al talapqa baǵynbaı kedendik zańnamany buzyp, Reseı men Belarýs eline oralǵan júrgizýshiniń kóligin tárkilep alý qoldanysqa engizilýi múmkin. Degenmen de talap boıynsha taýar retinde tanylmasa, júk tasýshy qural bolyp sanalsa reseılik kólikterdiń Eýropa odaǵynan Reseıge oralýyna ruqsat etiledi. Eýropalyq odaqqa múshe elderdiń dıplomatııalyq ári konsýldyq ókilderiniń, delegasııa men elshilikterdiń enshisindegi kólik quraldaryna shekteý salynbaıdy. Estonııa syrtqy ister mınıstrligi Reseımen shektesetin Eýropalyq odaq elderi reseılik nómirdegi avtomobılderdi ákelýge tyıym salý máselesi talqylanyp jatqanyn jetkizdi. Bul el eýropalyq odaq nusqaýlyǵyn oryndaýǵa qumbyl. Biraq Fınlıandııa Reseıden ákelingen kólikterge ázirge esigin aıqara ashyp otyr.
8 qyrkúıekte eýrokomıssııa Reseıden ákeletin jáne ımporttaıtyn taýarlardyń túsiniktemesin jarııa etti. Qujatta talap boıynsha Eýropalyq Odaqqa múshe elderge avtomobılder men jeke taýar túrlerin ákelýge tyıym salynatyny jazylǵan.
