Foto: egemen.kz
Ortalyq Azııa memleketteri basshylarynyń otyrysynda jasaǵan baıandamasynda Q.Toqaev qadaý-qadaý túıtkildi máselelerdiń túıinin der ýaqytynda sheshý qajettigin eskertti.
«Biz sýdy tıimsiz paıdalaný jáne ekologııalyq zardaptardy elemeý problemalarymen betpe-bet kelip otyrmyz. Bizdiń óńirdegi Syrdarııa men Amýdarııa sekildi eki negizgi ózen sýlary arnasynyń rettelý dárejesi tym joǵary. Bul ózenderdiń basseınderinde jalpy kólemi shamamen 65 tekshe kılometrge jetetin 80-nen astam sý qoımasy salynǵan. Osylaısha, antropogendik júkteme artyp, tabıǵatty ekstensıvti paıdalaný jalǵasady jáne ártúrli áleýmettik-ekologııalyq problemalar ýshyǵady degen boljam bar. Munyń bári aımaqtyq qaýipsizdikke aıtarlyqtaı qater tóndiredi», degen Prezıdent sý yrystyń kózi ekenin de eske saldy. Ortalyq Azııa elderiniń basshylaryn sý saıasatyn qalyptastyrýda tabıǵattyń shekteýli resýrsy ekenin umytpaýǵa shaqyrdy. Bes memlekettiń de damýy qarqyn alyp, ál-aýqatynyń artýyna serpin beretin tirshilik kózi sý ekenin basa aıtty.
