Foto: Polisia.kz
«Ýchaske» jedel aldyn alý is-sharasy barysynda polısııa qyzmetkeri páterlerdi tekserip aralaý barysynda besinshi qabattan túsip bara jatyp, kómek surap aıqaılaǵan daýysty estigen. Sodan tártip saqshysy birden tómen qaraı júgirgen.
«Oqıǵa ornyna kelgende balaly áıeldi kórdim. Ýaıymǵa ábden batqan ana balasynyń tynys ala almaı jatqanyn aıtty. Aıqaılaǵan daýystan barlyq kórshi páterlerinen syrtqa shyqty. Jedel járdemge qońyraý shaldym, bir kún buryn náreste oryndyqtan qulap ketkeni belgili boldy», dedi polısııa qyzmetkeri.
Jedel járdem kezekshi dárigeriniń telefon arqyly bergen habarlamalaryn negizge ala otyryp, Ádil Qadyrbekov reanımasııa jumystaryn bastaǵan. Kórsetilgen kómektiń arqasynda bala kózin ashyp, tynys ala bastady. Kelgen dárigerler polıseıdiń is-áreketiniń durystyǵyn rastady. Balanyń ata-anasy polısııa qyzmetkerine alǵys bildirdi.
Dárigerlerdiń tekserýi boıynsha balanyń jaǵdaıy turaqty.
