Jarys kestesinde úshinshi orynda kele jatqan «Astana» «Tobyldy» qabyldady. Kezdesýdiń 5-mınýtynda Dembo Darbo qaqpashymen betpe-bet qalyp, ony ońaı aldap ótti de dopty torǵa toǵytty. Sodan keıin oıyn biraz saıabyrsyp qaldy. Qos komanda uzaqqa deıin bir-biriniń qaqpa kiltin taba almady. 77-mınýtta Aleks Amanovıch ekinshi goldy soqty. Qostanaılyqtardyń tek bir ǵana nátıjeli soqqymen jaýap qaıyrýǵa kúsh-jigerleri jetti. Básekeniń sońynda Serj Deble 11 metrlik núkteden nysanany dóp kózdedi – 2:1.
«Aqtóbe» men «Ordabasy» arasyndaǵy kezesýde Ashat Taǵybergen 17 metrdeı qashyqtyqtan aıyp dobyn minsiz oryndaǵan edi. Onyń qańyrata tepken doby qaqpanyń baǵanasyna tıip, týra tordan tabyldy. Biraq shymkenttikter bul basymdyqty saqtap qala almady. 61-mınýtta Andrııa Fılıpovıch jáne 81-mınýtta Franka Nıangbo gol soǵyp, alań ıelerine jeńis áperdi – 2:1. Matchtyń aıaqtalýyna sanaýly sekýndtar qalǵanda Taǵybergen 11 metrlik núkteden múlt ketti. Al «Atyraý» men «Qyzyljar» arasyndaǵy matchta esep ashylǵan joq – 0:0.
