Aleksandr Taranov – tehnıka ǵylymdarynyń kandıdaty, Qazaqstannyń eńbek sińirgen energetıgi. Ábilqas Saǵynov atyndaǵy Qaraǵandy tehnıkalyq ýnıversıtetinde sabaq beredi.
О́nertapqyshtyń aıtýynsha, ǵımarat boıymen adam tasymaldaıtyn jedelsatylardyń óndirisine modernızasııa qajet. Ulttyq lıftishler qaýymdastyǵynyń deregine súıensek, el aýmaǵynda qyzmettik merzimi ótken ári eskirgen 5 myń lıft bar. Sol sebepti jedelsatyǵa jańalyq ákelmekshi.
– Bul problemany otandyq jolaýshylarǵa arnalǵan pnevmolıftilerdiń óndirisi sheshe alady. Bul óndiris damysa, naryqqa qaýipsiz jedelsatylar shyǵady. Pnevmolıftilerdiń burynǵy arqanmen kóteriletin lıftilerden aıyrmashylyǵy – qurylysynyń qarapaıymdylyǵynda. Pnevmolıftiler jyldam kóteriledi ári jyldam túsedi. О́ıtkeni, jeńil. Bıik ǵımarattarǵa ornatýǵa ábden bolady. Jasalýyna da kóp qarajat ketpeıdi. Bir sózben aıtqanda – jańa zamannyń jańa tehnologııasy, – deıdi ónertapqysh.
Áýeli konstrýktorlyq qujattama paketi ázirlenip, jolaýshylarǵa arnalǵan pnevmatıkalyq kótergishtiń prototıpi jasalady.
Pnevmatıkalyq lıftilerdi jasaý jańa tehnologııalyq jabdyqtar men jańa óndiristerdi qurýdy qajet etpeıdi. Qoldanystaǵy mashına jasaý zaýyttarynda óndirýge bolady.
Qaraǵandy oblysy
