Qoǵam • 19 Qyrkúıek, 2023

Tolqynǵa qarsy júzgen

66 ret kórsetildi

Taǵdyr synaǵyna alǵan jandarǵa Qudaı qýatty da qosa beretin­deı. Saparbek Jaqudın kóz janarynan aıyrylǵanymen, qaıraty qaıyrylǵan joq. Kerisinshe, qaıraldy. Basyna túsken aýyrtpashylyqqa saǵy synǵan joq, sabyrlyq tanytty.

Tolqynǵa qarsy júzgen

О́rt sóndirýshi bolyp eńbek etip júrgen Saparbek Jaqudın Jańa qurylys aýylyndaǵy úıden shyqqan órtti óshirip júrgende jaraqat alady. Qasyndaǵy árip­tesi oqys qımyldap, sý soratyn sorǵy temiri Saparbektiń kózine tıedi. Soqqy qatty tıse de, qyz­met­tik mindetin ármen qaraı at­qar­­ǵan ol sol ýaqytta álgi jara­qat jana­rynan aıyratynyn bilgen de joq.

Kún óte kózi kórýden qalyp, syrqaty syr bere bastaıdy. Ol kez­de jasy otyz toǵyzda edi. Úsh jyl ýaqyt ótken soń kózi múl­­dem kórmeı qalady. Sodan jana­ryna jaryq syılaý úshin nebir dárigerdiń, emhanananyń tabal­dyryǵyn tozdyrady. She­tel­­degi dárigerlerdiń de aldyna barady. Alaıda bárinen qaıran bolmady.

Sóıtip, kúni de, túni de qa­rań­ǵy túnekke aınalady. Taǵ­dyr synaǵyna kóndigedi. Úmiti, kóńiliniń nury jalǵyz uly Bek­tur edi. Asyl jary Gúlmı­ranyń da demeýi Saparbek aǵamyzǵa dem beredi. Sodan beri 19 jyl ótipti.

Úıdegi sharýanyń bárin Sapar­bek aǵamyzdyń ózi rettep otyrady. Qoly altyn. Úıge qajet zattardy óz qolymen ja­saı­dy. Kókiregi saırap-aq tur. Kúndelikti tańerteń jáne kesh­kilik habardy qalt jibermeıdi. Tańerteń erte turyp, shynyǵýdy da saltyna aınaldyryp alǵan. So­dan qany aınalady, jany ser­gıdi. Úıdegiler jumysyna ketkende úı sharýasyn ózi atqara beredi.

Kóz ushynda, kóńil tórinde bala keıpinde qalǵan Bektury otaý quryp, shańyraǵyn keńeıtip, shattyǵyn eseledi. Qudaıǵa táýbe, qazir qushaǵynda Álı, Tas­mın esimdi tátti nemereleri bar. Estýi­mizshe, aǵamyzdyń eń bir erekshe qasıeti – balany tez baý­raıtyny. Úıge kelgen aǵaıyn-týystyń balalary jatyrqap jylasa, aǵamyz qalaı qolyna alady, solaı jadyrap salady. Nemerelerine ertegi, ańyz aıtý – kúndelikti ermegi. Sanaýdy, áripti úıretedi eken.

Gúlmıra jeńgemiz aýdandyq mádenıet úıinde ádisker bolyp qyzmet atqarady. Al uly men kelininiń dámhanasy bar. Sony kásip etken.

«Úıde otyra bergen jaramas», dep aǵamyz izdene bastaıdy. Joǵaryda aǵamyzdyń qoly altyn ekenin aıta ótkenbiz, oıyna massajben aınalysý keledi. Sol mezette Qytaıdan kelgen maman zaǵıp jandardy osy bir iske oqytyp jatady. Sonda baryp, 3 aı kýrsqa qatysyp, tálim alady. Qasyndaǵylarǵa qaraǵanda jedel qaǵyp alady. Sabaǵyn sátti túıindep sertıfıkatqa ıe bolady. Sóıtip, byltyr aýdan ákiminiń 1 mln teńge gran­ty buıyrady. Úkimettiń qaıtarym­syz qarajatyna kerek-jaraǵyn alyp, úıdiń bir bólmesin jab­dyqtady.

Mine, qazir nuralyqtar Sa­par­bek aǵanyń massajyna asyǵa­dy. Kisi kelmese, kóńili túsedi. Býyn-býynǵa massaj jasaýǵa áb­den mashyqtanyp alǵan aǵa­myz­­dyń eki taýdaı armany bar. О́ki­­nishke qaraı, bir armany ja­qyn kóringenimen, alystap ketti. Osy jyldyń aqpan aıy edi. «Astanadan keremet kóz emhanasy ashylypty. Barǵandar kórip ketip jatyr eken. Meniń de kózim kóredi», dep kópshilikten súıinshini de surap qoıǵan. Onda barǵanymen, emhananyń bas dárigeri múmkin emestigin amalsyz jetkizedi. Sol sátte eńkildep jylaǵany eldiń janyna qatty ba­tady. Gúlmıra jeńgemizdiń ózi sol aýyr sátti bylaı eske alyp kúrsinedi: «Jıyrma jyl boıy eńsemiz bulaı ezilmep edi. Qat­t­y úmittenip edik. Dál sol kez­de­gideı toqtamaı, solq-solq etip jylaǵanyn buryn kórgen emes­pin. Úmitimiz kózimizdiń jasymen sóndi».

Endi bir armany bar. Aǵamyz aýrýhanaǵa jumysqa ornalasyp, emge kelgenderge massaj jasap, elge paıdasyn tıgizgisi keledi. «Jalaqynyń az-kóptigi mańyzdy emes, el qatarly eńbek etsem, qoǵamǵa úles qossam», dep bizge de úlken úmit arqalatyp jiberdi. Osy bir úmit otyn óshirip almasaq ıgi edi...

 

Qaraǵandy oblysy,

Nura aýdany