Jańa pán

Ǵylym jáne joǵary bilim mınıstr­liginiń málimetinshe, vedomstvo stýdent­terdiń qar­jylyq saýatyn art­t­yr­ýǵa erekshe kóńil bóledi. Osyǵan oraı mınıstr Saıasat Nur­bek­tiń tóraǵalyǵymen el jastary arasynda qarjylyq saýatty arttyrý boıynsha keńes ótti. Oǵan atalǵan vedomstvonyń, «Amanat» partııasynyń, Qarjy nary­ǵyn ret­teý jáne damytý agent­ti­giniń, Narxoz ýnıver­sıtetiniń ókilderi jáne stýdenttik ombýdsmender qatysty. Jıynda S.Nurbek qarjy qyzmetteriniń qarqyndy damyp jatqanyn, túrli ónimdi onlaın formatta jáne jańa sıfrlyq tehnologııalar arqyly satyp alatyn qazirgideı ýaqytta halyqtyń, onyń ishinde jastardyń qarjylyq saýattylyǵy mańyzdy ekenin aıtty.

– Memleket basshysy azamattardyń qu­qyqtyq jáne qarjylyq saýatty­lyǵyn júıe­li túrde arttyrýdy júkte­di. Osy jyl­­­dyń sáýir aıynan bastap elimizdegi joǵa­­ry oqý oryndarynyń bárinde «Qarjy­lyq saýattylyq» kýrsy boıynsha dáris sabaq­tary ótkizilip keledi. Dáris­ter bary­synda osy bas­ta­manyń ózektiligi, atap aıtqanda, stýdentterdiń kredıt alýy­nyń kóbeıýi, jeke qarjyny basqarý daǵdy­larynyń bolmaýy anyqtaldy. Sondyqtan biz bul pándi bilim berý baǵdarlamasyna engizý týraly sheshim qabyldadyq, – dedi S.Nurbek.

Keńeske qatysqan «Amanat» partııa­sy­nyń hatshysy Eldar Jumaǵazıev stýdent­terdiń 80 paıyzynda kredıt baryn jetkizdi.

– Qazir elimizde 1,5 mln adam qaryz­dar boıynsha tólemderdi 90 jáne odan da kóp kúnge keshiktirdi. Sonyń ishinde stýdent­terdiń 80 pa­ıyzynda nesıeler men shaǵyn nesıeler bar. Bul – óte ózekti másele. Stýdent­ter­diń nesıe alýy, ásirese óńirlerde kóp baıqalady. Biz Ǵylym jáne joǵa­ry bilim mınıstrligimen birlesip, atal­ǵan jastardy anyqtap, olardy qar­jylyq, quqyqtyq saýattylyqqa úıre­tý, sondaı-aq óz bıznesin ashýǵa kómektesýdi maqsat etip otyrmyz. «Amanat» partııasy boryshkerler sanynyń kóbeıýine jol bermeýge jáne bolashaqta el turǵyndarynyń ómir súrý deńgeıin jaqsartýǵa arnal­ǵan «Qaryzsyz qoǵam» aýqymdy áleýmettik jobasyn iske asyryp jatyr. Jobanyń nátıjesinde osy kúni elimizdiń segiz óńiriniń 40 myńǵa jýyq turǵyny 5 kúndik oqýdan ótip, ózderi­niń bıznes-jobalaryn ázirledi, – dedi E.Jumaǵazıev.