Daryndylar daralandy

Sonymen bıylǵy bas júlde Ázerbaı­jan astanasy – Bakýden kelgen Mahır Tagızadege buıyr­dy. Oǵan qosa bul ónerpaz «Qazaq­stan kompozıtorlarynyń týyndysyn sheber oryndaǵany úshin» dep atalatyn arnaýly syılyqqa da ıe bolǵanyn aıta ketý kerek.

Konkýrstyń qazylar alqasy­nyń tóraıymy, KSRO jáne Qa­zaq­stannyń halyq ártisi, Sosıa­lıstik Eńbek Eri, KSRO jáne Qazaqstannyń Memlekettik syı­lyqtarynyń laýreaty, qazaq klassıkalyq óneriniń bul­bu­ly Bıbigúl Tólegenova saltanatty marapattaý rásiminde: «Baıqaýymyzdyń barsha qaty­sýshysyn, jas oryndaýshylardy shyn júrekten quttyqtaı otyryp, qoldaý bildirgen Mádenıet jáne aqparat mınıstrligine, Almaty ákimdigine, «Samruk-Kazyna Trust» Áleýmettik jobalardy damytý qoryna, Abaı atyndaǵy Qazaq ulttyq opera jáne balet teatry men bar­lyq demeýshilerimizge alǵys bildiremin! Olardyń qoldaýynyń arqasynda konkýrs oıdaǵydaı ótti.

Bıbigúl Tólegenovanyń Ha­lyq­aralyq vokalıster konkýrsy meniń jeke konkýrsym emes, bul – el mádenıetiniń ıgiligi. Bul baıqaý Ortalyq Azııa elderindegi klassı­ka­lyq óner­degi jalǵyz joba bol­ǵan­dyq­tan bizdiń konkýrsqa qatysý úshin alys jáne jaqyn shetelderden kóptegen talant ıeleri kelip, kásibı opera jáne konserttik kameralyq ánshiler jınalady. Bul biz úshin jetistik, qýanysh. Bıylǵy konkýrs ádet­tegideı joǵary deńgeıde ótti. Konkýrsta jańa talanttar tabylyp, klassıkalyq ónerdiń jas qarlyǵashtary qanat qaqty. Dál osy konkýrstyń laýreattary álemdik sahnaǵa shyǵyp, elimizdiń atyn shyǵa­rady»,
dedi.

Osymen on ekinshi ret ótken halyq­aralyq baıqaýdyń Gran-prı júldesin jeńip alǵan Mahır Tagızade jýrnalısterge bergen suhbatynda: «Qýanyshym qoınyma syımaı tur, osy kon­kýrs­qa úsh ret qatysqym kelse de sáti túspegen edi. Endi, mine, qatysyp qana qoımaı, jeńimpaz atandym. Men óz elimdegi jáne basqa da kóptegen halyqaralyq konkýrsqa qatysqanmyn. Bul joly Almatyda, Bıbigúl Ah­met­qyzynyń otanynda ótken baı­qaýǵa qatysqanyma óte qýanysh­tymyn. Qazaqstandy ekinshi úıim dep sanaımyn. Konkýrs talaby boıynsha biz qazaq romansyn oryndadyq, odan ózge ózimniń jeke qalaýym boıynsha fınalda «Abaı» operasynan arııa oryndadym. Qazaqtyń klassıkalyq shyǵarmalaryn shyr­qaý janymdy rahatqa bóleı­di», dedi.

Gala-konsertte Abaı atyn­daǵy Qa­zaq ulttyq opera jáne balet teatry­­­nyń sımfonııalyq orkestri­niń súıeme­ldeýimen (dırı­jeri E.Ahmedıa­rov) kon­kýrs laýreattary eń tanymal klas­sıkalyq ánderdi oryndady.

2001 jyldan beri ótkizilip kele jatqan halyqaralyq baıqaýǵa bıyl 70-ten asa úmit­kerden ótinish kelip tússe, onyń 66-sy qatysyp, 11 elden jas talanttar baqtaryn synady. Qazaqstan, Reseı, QHR, Chehııa, Lıýksembýrg, Italııadan álemdik opera óneriniń maı­talman­darynan quralǵan joǵa­ry deńgeıdegi kásibı ha­lyq­ara­lyq qazylar alqasy qatysý­shylardyń ónerine baǵa berdi.

Sonymen birinshi orynǵa astana­lyqtar Azıza Omarova men Abylaı Beken (Qazaqstan) laıyqty dep tanylsa, ekinshi júldeli oryndy Nur­ǵalym Amanbaı (Qazaqstan), Atash Karaev (Ázerbaıjan), Lıansze Hao (Qytaı) aldy. Úshinshi orynǵa Aıajan Qýanyshálıeva (Qazaqstan), Dııar Nur­sultanov (Qazaqstan), Maqsat Samatov (Qazaqstan), Galına Solakıan (Armenııa) ıe boldy.

Bıbigúl Tólegenova re­per­týa­ryndaǵy Qazaqstan kom­pozıtorlarynyń ánderin úzdik oryndaǵany úshin Aıbek Haı­rýlla (Qazaqstan) arnaýly syılyqpen marapattalsa, Márııamgúl Tólegenova atyndaǵy «Úmit» syılyǵyn Joıan Iý (Qytaı) alyp ketti.

Konkýrstyń úzdik konsert­meısteri retinde Vıktorııa Ivanova (Reseı) men Zárý Jazyq­baeva (Qazaqstan) qurmetten qur alaqan qalǵan joq.

ALMATY