Baıqaýymyzsha, qazir balalar ádebıeti aqsap turǵanǵa uqsaıdy. Balalarǵa arnalǵan, olardy qyzyqtyratyn shyǵarma kóp emes. Bul búgin ǵana aıtylǵan sóz emes. Burynǵyny bylaı qoıǵanda, keıingi otyz jyl muǵdarynda derbes eldiń tili men muratyn ańǵartatyn balalar ádebıeti qalyptasyp kele me, joq pa degen suraq bar. Osy olqylyqtyń ornyn toltyrý ulttyq murat dese bolǵandaı. О́ıtkeni oqyrman ult qalyptastyrý mektepten bastalatyny belgili.
Buǵan deıin birneshe jyr jınaǵy jaryq kórgen avtordyń myna eńbegi osy turǵydan alǵanda, aıtarlyq dúnıe. «Táýelsizdik shýaǵy», «Qurmet jyrlary», «Eń jaqsy kún», «Balabaqsha jyrlary», «Tabıǵat tylsym álem», «Jaqsy men jaman», «Shynyqsań shymyr bolasyń», «Ertegiler men ańyzdar» atty segiz bólimnen turady jınaq. Sanasy endi-endi qalyptasyp kele jatqan jas urpaqtyń túsinýine jeńil, uǵynyqty tilmen jazylǵan taqpaqtar barshylyq sekildi. Balalarǵa arnalǵan shýmaqtar «Qurmet jyrlary», «Merekelik jyrlar» bolyp taqyryptyq turǵyda shoǵyrlanǵany da nazar aýdartady. Ataýly kún, áldeqandaı mereke qarsańynda keıde ońdy taqpaq tappaı qalatynymyz bar ǵoı. Sonymen qatar avtordyń jas urpaq úshin otyryp eńbektengeni kórinedi. Bala sanasyna azattyq, Otan týraly uǵymdardy sińirip ósirý – barlyǵymyzdyń boryshymyz.
