Burymdylar arasyndaǵy básekeniń alǵashqy kúni 55 jáne 59 kg salmaqtarda beldesken tájirıbeli Marına Sedneva men Dıana Kaıýmova el senimin aqtamady. Marına tusaýkeser kezdesýinde qytaılyq Jangten jeńilse, Dıana germanııalyq Elena Brýgerdiń osal tusyn taba almady. Kóp keshikpeı Maral Táńirbergenova (50 kg), Aınur Áshimova (57 kg), Irına Kazıýlına (65 kg) jáne Ińkár Jańataeva (76 kg) kórermender qataryna qosyldy. Olar da alǵashqy aınalymdarda ońbaı súrindi.
Ekinshi jarys kúni taǵy tórt jerlesimiz bozkilemge shyqty. Altyn Shaǵaeva (53 kg) alǵashqy beldesýinde qytaılyq Pang Sıanıýge jol berdi. Irına Kýznesova (62 kg) men Elena Shalygına (68 kg) bastapqy básekesinde basymdyq tanytqanymen, ile-shala jeńilistiń kermek dámin tatty. Irına germanııalyq Lıza Nımeshke, Elena mońǵolııalyq Delgermaa Enhsaıhanǵa ese jiberdi. Solardyń arasynan tek Jámıla Baqbergenova sýyrylyp shyqty. 72 kg salmaqta saıysqa túsken qazaq qyzy serbııalyq Fannı Nadty taza tastasa, reseılik Ksenııa Býrakovany 7:1 esebimen jeńdi. Jartylaı fınalda Jámılanyń joly Mońǵolııanyń myqtysy Davaanasan Enh Amarmen qıysty. О́kinishke qaraı, bul joly jerlesimiz bilgeninen jańyldy. О́te shıelenisti ótken tartysta Amardyń asyǵy alshysynan tústi. Al Baqbergenova keshe qola medal úshin aıqasty.
Kelesi topta Amıt Elor qarsylastaryn qoǵadaı japyryp kele jatty. 19 jastaǵy AQSh-tyń arýy byltyr Belgradta ózinen áldeqaıda tájirıbeli sportshylardy san soqtyryp, álem chempıony atanǵan. Sol jarystyń fınalynda bizdiń Baqbergenovany aıqyn basymdyqpen utqany da esimizde. Bul tabysynyń kezdeısoq emestigin ol odan keıin talaı dúbirli dodada dáleldedi. Atap aıtsaq, bıylǵy jyly Amıt Panamerıka chempıonatynda bas júldeni oljalap, jastar arasyndaǵy álem birinshiliginde (U-23) altynnan alqa taqty. Basqa da dúbirli dodalarda daralandy. Osy jarysta amerıkalyq balýan túrkııalyq Nesrın Bas pen 2012 jylǵy álem chempıony, japonııalyq Mıva Morıkavany jolynan yǵystyryp, jartylaı fınalda fransııalyq Kendra Dechermen kúsh synasty. Bul básekede Elordyń mysy basym boldy. Osylaısha, 19 jastaǵy kúsh ıesi fınalǵa shyqty.
Sondaı-aq keshe grek-rım kúresi sheberleri óz jarysyn bastady. Alǵashqy kúni tórt salmaq dárejesi boıynsha irikteý jáne jartylaı fınaldyq saıystar ótti. 55 kg salmaqtaǵy Marlan Muqashev tusaýkeser kezdesýinde armenııalyq Rýdık Mkrtchıanmen beldesse, 77 kg-daǵy Demeý Jadyraev horvatııalyq Antonıo Kamenıashevıchpen kúresti. 82 kg salmaqtaǵy Dıas Qalen jarysty ekinshi kezeńnen bastaıdy. Ol reseılik Aýez Ganıbov pen qyrǵyzstandyq Beksultan Nazarbaev arasyndaǵy básekeniń jeńimpazymen kúsh synasady. Al 130 kg salmaqta keń-baıtaq respýblıkamyzdan el namysyn qorǵaıtyn birde-bir tulǵasy kelisken balýan tabylmady.
