http://kazguu.kz/
Saltanatty sharaǵa Prezıdenttiń Keńesshisi - Baspasóz hatshysy Berik Ýálı, QR Prezıdentiniń Teleradıokesheni Bas dırektory Raýshan Qajybaeva, AQSh-tyń Qazaqstandaǵy Tótenshe jáne О́kiletti Elshisi Denıel Rozenblıým, sondaı-aq birneshe memleketterdiń elshileri men ókilderi qatysty.
Halyqaralyq jýrnalıstıka mektebi jobasy - Qazaqstandyq BAQ úshin shyǵarmashylyq jáne tehnıkalyq mamandardy daıarlaý maqsatynda QR Prezıdenti TRK-men birge júzege asyryldy.
Halyqaralyq mekteptiń alǵashqy oqý jylyna 201 stýdent qabyldanyp, onyń 20-sy Prezıdent TRK men «Dara» Prezıdenttik bastamalar qorynyń grantyna ıe boldy.
«Qazirgi ashylyp otyrǵan Halyqaralyq jýrnalıstıka mektebi – stýdentterge osy salada úlken múmkindikter ashatynyna senimdimin. О́ıtkeni 70 paıyzy aǵylshyn, 30 paıyzy qazaq jáne orys tilderinde oqytylady eken. Jalpy bul halyqaralyq deńgeıde bilim alyp, kókjıek keńeıtetin myqty joba. Osyndaı aýqymdaǵy, jýrnalıstıka baǵytyndaǵy fakýltet Qazaqstanda tuńǵysh ret ashylyp jatyr. Osy jerden shyqqan mamandar keıingi býynǵa úlken bir mektep qalyptastyratynyna senimdimin», dedi QR Prezıdentiniń Keńesshisi - Baspasóz hatshysy Berik Ýálı.
Oqytý jeke pánder boıynsha qazaq jáne orys tilderiniń elementterimen aǵylshyn tilinde ótedi. Bolashaq jýrnalısterge arnalǵan oqý baǵdarlamasy Columbia University, Berkeley University, Princeton University, City University of London ýnıversıtetterinde qoldanylatyn úzdik álemdik tájirıbe negizinde ázirlengen. Jańa mekteptiń bilim berý baǵdarlamasynda BAQ-taǵy sońǵy tendensııalaryna saı jýrnalıstıkanyń zamanaýı ádis-tásilderin meńgerýge erekshe mán berilgen.
Stýdentterge tájirıbe alý múmkindigin Prezıdent TRK-ne qarasty «Jibek Joly» telearnasy, «QazAqparat» aqparattyq agenttigi jáne «Derekti fılmder ortalyǵy» usynyp otyr.
«Búkil álem bastan keship jatqan qarqyndy ózgerister kásibı jýrnalıstıkaǵa ýaqyt ótken saıyn qatań talaptar qoıýda. Sizder úlken kólemdegi aqparatty óńdep, taldap, tekserip, synı turǵydan túsine bilýlerińiz kerek. Sonymen qatar qazirgi zamanǵy BAQ mýltımedııalyq sıpatqa ıe boldy. Biz jańa býyn jýrnalısterine, bolashaq áriptesterimizge ózekti bilim men daǵdylardy ártúrli formatta jumys isteýge múmkindik berýimiz kerek», dedi QR Prezıdenti TRK-niń Bas dırektory Raýshan Qajybaeva.
Sonymen qatar stýdentterge Columbia University, University of Cambridge, New York Film Academy, Mississippi Valley State University jáne Michigan State University USA túlekteri dáris oqıdy.
«Eń aldymen, ýnıversıtetimizge senim artyp, qoldaý kórsetken el Prezıdenti Qasym-Jomart Kemeluly Toqaevqa úlken alǵysymdy bildiremin. Biz halyq pen qoǵam aldyndaǵy tereń jaýapkershilikti túsinemiz. Sondyqtan da osy jýrnalıstıka salasyndaǵy kásibı mamandardy daıarlaý úshin bar kúsh-jigerimizdi salatyn bolamyz», dedi Maqsut Narikbayev University Basqarma tóraǵasy Talǵat Nárikbaev.
QR Prezıdentiniń Teleradıokesheni men Maqsut Narikbayev University-diń birlesip jasaǵan Halyqaralyq jýrnalıstıka mektebi - daryndy jastardy qoldaý men kásibılikti shyńdaýǵa arnalǵan, oǵan qosa qoǵam men memlekettiń zamanaýı kommýnıkatıvti qajettilikterine jaýap beretin jýrnalıstik korpýsty qalyptastyrýǵa arnalǵan tuńǵysh joba.
