Atap aıtqanda, muhıttyń arǵy betinde Qazaqstannyń tóraǵalyǵymen Azııadaǵy ózara is-qımyl jáne senim sharalary keńesi Syrtqy ister mınıstrleriniń beıresmı keńesi ótip, jıynǵa Azııa Keńesi múshe memleketteriniń syrtqy saıası vedomstvolarynyń basshylary qatysty. Kezdesýdiń basty nazary 2022 jyly qazanda Astanada ótken AО́SShK 6-shy sammıtiniń sheshimderin iske asyrý máselesine baǵyttaldy.
Premer-mınıstrdiń orynbasary – Syrtqy ister mınıstri Murat Nurtileý sammıtte qabyldanǵan Astana deklarasııasynyń mańyzyna toqtaldy. Qujat Azııa keńesin tolyqqandy halyqaralyq uıymǵa transformasııalaýdy iske qosýǵa baǵyttalǵan atap ótti. Múshe memleketterge elimizdiń bastamasyn qoldaǵany úshin alǵysyn bildirdi.
Jıynda Azııa keńesin odan ári ınstıtýsıonaldyq damytý, senim sharalaryn iske asyrý boıynsha týraly talqylandy. Syrtqy ister mınıstrleriniń keńesi otyrysynyń qorytyndysy boıynsha Azııa keńesin transformasııalaý jónindegi Jol kartasy qabyldandy. Sondaı-aq AО́SShK Syrtqy ister mınıstrleri keńesiniń Turaqty damý úshin volonterlik qyzmetti ilgeriletý jónindegi málimdemesi jasaldy. Azııa keńesi Bas hatshysynyń jańa orynbasarynyń kandıdatýrasy bekitildi.
Budan bólek, Syrtqy ister mınıstri M.Nurtileý Islam yntymaqtastyǵy uıymynyń Syrtqy ister mınıstrleriniń úılestirý kezdesýine qatysty. Is-shara barysynda Uıymǵa 57 múshe-memlekettiń delegasııalarynyń basshylary ıslam álemine qatysty ózekti máselelerdi talqylady. Uıym sheńberinde yntymaqtastyqty nyǵaıtý joldaryn qarastyrdy.
Qazaqstan SIM basshysy óz sózinde Álemdik jáne dástúrli dinder lıderleri sezi toleranttylyq pen konfessııaaralyq kelisim ıdeıalaryn ilgeriletýge qosqan úlesine nazar aýdardy. Taıaý Shyǵys beıbitshilik úderisine járdemdesýdiń jáne Aýǵanstandaǵy jaǵdaıdy turaqtandyrýdyń mańyzyna toqtaldy. Qazaqstannyń jahandyq jáne óńirlik qaýipsizdikti qamtamasyz etýge járdemdese beretinin jetkizdi.
«Biz uıymymyzdyń biregeı geografııalyq artyqshylyqtaryn tıimdi paıdalanýymyz jáne mýltımodaldy kólik baılanystaryn nyǵaıtýymyz qajet. Bul IYU elderiniń ekonomıkasynyń damýyna aıtarlyqtaı serpin beredi», dedi M.Nurtileý.
Is-sharada elimizdiń bastamalaryna ekpin berildi. Azyq-túlik qaýipsizdigi jónindegi ıslam uıymynyń qyzmetine, bıologııalyq qaýipsizdik jónindegi halyqaralyq agenttikti jáne ǵylym men tehnologııalar salasyndaǵy «IYU-15» dıalog platformasyn qurýǵa erekshe nazar aýdaryldy.
Sonymen qatar Syrtqy ister mınıstri M.Nurtileýdiń tóraǵalyǵymen Shanhaı yntymaqtastyq uıymyna múshe memleketterdiń Syrtqy ister mınıstrleri keńesiniń kezekten tys otyrysy ótti. Taraptar Uıymdy damytý, onyń áleýetin jetildirý perspektıvalaryn, sondaı-aq ózekti halyqaralyq jáne óńirlik problemalar turǵysynan ShYU - BUU ózara is-qımylyn tereńdetý máselelerin talqylady.
Qazaqstan SIM basshysy Uıymnyń qazirgi halyqaralyq qatynastar júıesindegi mártebesin odan ári nyǵaıtýdyń mańyzyn atap ótti. Qazaqstannyń ShYU tóraǵasy retinde taraptardyń birlesken kúsh-jigerin Shanhaı uıymynyń qyzmetin jetildirýge daıyn ekenin jetkizdi. О́zara is-qımyldyń barlyq baǵyttary – qaýipsizdik, saýda-ekonomıkalyq jáne mádenı-gýmanıtarlyq salalardy teńgerimdi damytýǵa ázirligin bildirdi.
«Qazirgi jaǵdaıda bizge zamanaýı qaýip-qaterlerge tıimdi jaýap bere alatyn mobıldi uıym qajet. Shanhaı uıymynyń áleýetin paıdalanýǵa jańa kózqaras qajet», dedi M.Nurtileý.
Delegasııa basshylary Uıymǵa BUU Bas Assambleıasy janyndaǵy baıqaýshy mártebesin berýdiń 20 jyldyǵy qarsańynda ShYU men BUU arasyndaǵy yntymaqtastyqty sapaly jańa deńgeıge shyǵarý qajettigin qoldady.
