Kezdesý barysynda ınnovasııalyq damý baǵdary, shaǵyn nemese orta bıznes órisin keńeıtý máseleleri talqylandy. 214 adamdy jumyspen qamtyp otyrǵan «CASPI Bitum» zaýyty jylyna 500 myń tonna bıtým óndirip, jylyna 1 mln tonna munaı óńdeıdi. 2021 jyly totyǵý blogi jańǵyrtyldy, bul bıtým shyǵymdylyǵyn 50% - ǵa (+10%) deıin arttyrýǵa múmkindik berdi.
– Mańǵystaý oblysyna issapardyń maqsaty – Memleket basshysynyń joldaýynan týyndaǵan kóliktik-logıstıkalyq ınfraqurylymdy damytý máselelerin talqylaý. Elimizde 95 myń shaqyrymǵa jýyq jol bolsa, onyń 26 paıyzy respýblıkalyq deńgeıde. Al qalǵany oblystyq jáne aýdandyq deńgeıdegi joldar. Aldaǵy ýaqytta 4 myń shaqyrymǵa deıingi joldy jóndeý josparlanyp otyr. Sondaı-aq «Caspi Bitum» máselesi nazarǵa alynatyn bolady. Soǵan oraı qazir zaýyt 500 myń tonnaǵa jýyq munaı shyǵarsa, aldaǵy eki jylda onyń kólemin 750 myń tonnaǵa arttyrý kózdelgen, – dedi depýtat Álibek Náýtıev.
Senatorlar aıaldaǵan ekinshi núkte – Aqtaý teńiz porty. Port jyl 12 aı jáne táýligine 24 saǵat boıy qurǵaq júkterdi, shıki munaı men munaı ónimderin tasymaldaıdy. «Aqtaý teńiz porty» AEA» AQ basqarma tóraǵasy Ashat Qabashevtyń aıtýynsha, basty máseleniń biri – port aýmaǵyn keńeıtý. Jańaózen aýmaǵynan arnaıy jobalardy júzege asyrý úshin 274 gektar jer alý qarastyrylyp jatyr. Sonymen birge, senatorlar Munaıly aýdanyndaǵy Qyzyltóbe aýylynda ornalasqan «Caspian Safety Group» tigin sehi jumysymen tanysty.
– Jumysyn 2022 jyly bastaǵan mekemede qazirgi tańda 50 jumysshy qyzmet etedi. Arnaıy jumysshylarǵa shamamen aıyna 2 myń túrli kıim tigiledi. Bizdiń kıimder kóbinese, munaı kompanııalaryndaǵy qyzmetkerlerge arnalǵan, –dedi «Caspian Safety Group» tigin sehiniń bas dırektory Q.Qudarov.
Aqtaýda óńirlik kásipkerler palatasynda Shaǵyn jáne orta kásipkerlikti damytý máseleleri boıynsha Senattyń ekonomıkalyq saıasat, ınnovasııalyq damý jáne kásipkerlik komıtetiniń kóshpeli otyrysy ótti. Jıynǵa senatorlar, salalyq keńes músheleri, bıznes ókilderi men jergilikti ákimdik qyzmetkerleri qatysty.
Bıylǵy 1 mamyrdaǵy esep boıynsha óńirde jumys istep turǵan ShOB sýbektileriniń sany 82 myńǵa jetti. Bul ótken jyldyń osy kezeńimen salystyrǵanda 34%-ǵa óskenin kórsetedi. ShOB-ta jumyspen qamtylǵandar sany 155 myń adamdy qurady, onyń 45 myńy – áıel. Mańǵystaý oblysynda jalpy somasy 2 trln-nan asatyn 41 ınvestısııalyq jobanyń pýly quryldy. 7 aıdyń qorytyndysymen Mańǵystaý sýbsıdııalaýdan qoldaý alǵan jobalar boıynsha 560 jobamen 1-orynda tur. О́ńirlik kásipkerler palatasynyń dırektory R.Mustapaevtyń aıtýynsha, Úkimet qabyldaǵan Jol kartasy aıasynda oblys ákimdigi, «Atameken» UKP, «Samuryq-Qazyna» UÁQ» AQ ókilderi birlesip satyp alýdy oqshaýlaý boıynsha bıznes-jobalardy aldyn ala irikteý úshin jumys tobyn qurdy. Bul 700-den astam jumyssyzdy eńbekke aralastyrýǵa múmkindik berdi.
Byltyrdan bastap Mańǵystaý, Jambyl, Qostanaı jáne Batys Qazaqstan oblystarynda qanatqaqty rejimde Áıelder kásipkerligin damytý ortalyǵy ashyldy. Joba qorytyndysy boıynsha Mańǵystaý oblysy kóshbasshy bolyp aıqyndaldy. О́ıtkeni Quryq aýyly – «Bir aýyl – bir ónim» jobasyn iske asyrǵan jalǵyz óńir.
– Búgingi tańda Quryqta kıizden kádesyı daıyndaıdy. Halyqaralyq sarapshylardan oqytýdan ótken 40 áıel jumysqa ornalasty. Alǵashqy ónim – túıe kádesyılary eksportqa shyǵarylý úshin Bishkekke jiberildi. Bolashaqta taýar aınalymyn odan ári ulǵaıtýǵa múmkindik beredi. Joba 2021-2023 jyldarǵa arnalǵan kásipkerlikti damytý jónindegi Ulttyq jobaǵa engizildi. Bıyldan bastap «Bir aýyl – bir ónim» «Men – kásipkermin» ulttyq jobasy quraldarynyń quramyna kiredi. Oblys ákimi Ulttyq joba sheńberinde memlekettik grant retinde 50 jobaǵa jergilikti bıýdjetten 250 mln teńge bóldi, – deıdi R.Mustapaev.
Jıynda bıyl qańtar aıynda Túrikmenstanmen shekaradaǵy «Temir baba» beketi arqyly halyqaralyq tasymaldaýdy júzege asyratyn 200-den asa júk tasymaldaýshynyń kúrdeli máselesi de kóterildi. Investısııalar jáne damý mınıstriniń buıryǵymen bekitilgen halyqaralyq qatynasta tasymaldaý júıesin qoldaný quqyǵynyń 48 jáne 51-tarmaqtarynyń zańdy kúshine enýine bıznes narazylyq bildirdi. Palatanyń aralasýymen buıryqtyń oryndalýy 2024 jylǵy 1 qańtaryna deıin shegerildi.
О́ńirlik kásipkerler palatasy Senat depýtattaryna 12 túrli usynys berdi. Onyń ishinde bıznestiń damýyna qarama-qaıshy keltiretin zańdarǵa ózgeris engizý de bar.
Mańǵystaý oblysy
