Sharany QR UǴA akademıgi, fılologııa ǵylymdarynyń doktory, professor, «Qazaq gazetteri» JShS Bas dırektory Dıhan Qamzabekuly ashyp, qazaq tarıhynda orny ózgeshe tuńǵysh ǵaryshker týraly aıryqsha atap ótti. «Tulǵataný» ǵylymynyń bir baǵyty «Toqtartaný» ǵylymynda Talǵat Súıinbaıdyń ǵaryshker týraly barlyq maqalalary «Egemen Qazaqstan» gazetine shyqqanyn tilge tıek etti.
Ǵaryshker sóılegen sózinde: «2 qazan ǵaryshqa ushý kúni qarsańynda qanshama jýrnalıst habarlasyp suhbattaspaq nıetterin aıtty, biraq, men osy qara shańyraqqa jınalaıyq, kelseńder sonda kelińder, dep osynda kelýdi jón kórdim», deı kele ǵarysh sapary aldynda «Egemen Qazaqstan» gazetinde qyzmet etken ardager jýrnalıst Talǵat Súıinbaıdyń kosmodromda bolyp, shyǵaryp salǵanyn, keıin kitap jazǵanyn ári ondaı kitaptar tarıh úshin kerek ekendigin atap ótti.
«Qoljazbam boıynsha bul kisige qasqyrdy úsh ret atqyzǵanmyn ǵoı. Sodan keıin fantazııammen oq taýsyldy dedim. Bul kisi men bir-aq ret atam dedi. Buny aıtyp otyrǵan sebebim, ushaqty meńgerý kózge baılanysty jáne bul kisi taý shańǵysynan sport sheberi, atalǵan sportta kózben kórý kúshine baılanysty. Bul kisi kózdep bir-aq ret atady», dep ǵaryshker týraly tyń málimetter aıtqan Talǵat Súıinbaı «Baıqońyr 1955 jyldan 1991 jylǵa deıin qazaqsha sóılemegen aýmaq edi, kıiz úıler tigildi, 40 jýrnalıst qazaqsha sóılep júrdi, ǵaryshker ózi de qazaqsha sóılep, raport berip ushyp ketti dep esteligin aıtty.
Ǵaryshkerdiń qanattas serikteri, memleket jáne qoǵam qaıratkeri Oralbaı Ábdikárimov, belgili hırýrg, professor Serik Toqpanov ózderiniń estelikterin sóz etti. Budan keıin Toqtar Ońǵarbaıuly jýrnalısterdiń suraqtaryna jaýap berdi.
