Azııa oıyndarynda jýrnalıster aqparat taratatyn MRS-de volonter bolyp jumys istep júrgen Jıalıng Song volonter bolǵan unaıtynyn, Dımash Qudaıbergendi tanıtynyn, ánderin tyńdaıtynyn aıtty.
– Maǵan halyqqa qyzmet kórsetken unaıdy. Volonter bolýǵa ózim ynta bildirdim. Árıne, ońaı emes. Biraq qyzyq jumys qoı. Kóptegen elden kelgen adamdarmen, jýrnalıstermen sóılesesiń. Biz jýrnalısterdiń jaǵdaıyn jasaýǵa, suraǵan, bilmegenderin úıretýge, kórsetýge daıynbyz. Azııa oıyndarynda barlyq komanda elderine qur qaıtpaı, medal alsa eken deımin.
Qazaqstandy men sizderdiń ánshilerińiz Dımashı (Dımash Qudaıbergen – red.) arqyly bilemin. Ol – óte tanymal ánshi, symbatty jigit. Eger de osy jaqta konsertin berse, mindetti túrde baramyn. Men sekildi biraz volonterler ony tanıdy, dedi volonter qyz.
Al dúbirli dodany tamashalaýǵa Beıjińnen arnaıy kelgen Den Iýe bizdiń el dzıýdoshylardyń beldesýin tamashalaǵanyn, Dımash Qudaıbergenniń konsertin kórgenin aıtady.
– Men qazaqstandyq dzıýdoshylardyń ónerin tamashaladym. Qazaqstanda da iri halyqaralyq is-sharalar ótip jatqanyn bilemin. Men sizderde 2017 jyly EKSPO kórmesi bolǵanyn bilemin.
Iá, Dımashtyń konsertin kórdim, óte keremet! Qazaqstannan kelgen sportshylar men jankúıerlerge alystan kelip, Azıadaǵa qatysqany úshin rahmet. Bul óz eline jáne sportqa degen súıispenshiliktiń dáleli, dedi Azııa oıyndaryn tamashalaýǵa kelgen Lıý Penchjan.
