Inklıýzııa jónindegi keńes

Palata spıkeri Máýlen Áshim­baev óz sózinde múgedektigi bar azamattarǵa jan-jaqty qol­daý kórsetýdiń mańyzdy ekenin aıtty. Sondaı-aq ol Ádiletti Qazaq­stan degenimiz – birinshi kezekte, ınklıýzıvti qoǵam ekenine nazar aýdardy. Osyǵan oraı Senatta Inklıýzııa jónindegi keńes qurylmaq. Keńes músheleri atalǵan baǵytta tıisti usynystar ázirlep, olardy iske asyrý joldaryn talqylaıdy.

«Senat janynan Inklıýzııa jónindegi keńes qurý Qazaqstanda tolyqqandy ınklıýzıvti orta qalyp­tastyrýǵa yqpal etýdi kóz­deıdi. Keńes aıasynda sapaly jáne tıimdi zańnamalyq usy­nys­tar ázirlenedi dep senemiz. Jal­py, múmkindigi shekteýli jan­dar úshin kedergisiz orta qa­lyp­tastyrý jáne olardy áleý­mettik qorǵaý memlekettiń negiz­gi mindetteriniń biri. Osy oraıda Memleket basshysynyń tapsyrmasymen elimizde Áleý­mettik kodeks qabyl­dandy. «Mú­ge­dekterdiń quqyq­tary týra­ly konvensııaǵa» fakýl­ta­tıv­­tik hattama ratıfıkasııalan­dy. Sondaı-aq Múgedektigi bar adam­dardyń quqyqtaryn qam­ta­masyz etý jáne turmys sapasyn jaqsartý jónindegi 2025 jylǵa deıingi Ulttyq jospar iske asyrylyp jatyr. Múgedektikke qatysty máselelerdi sheshý ke­zinde medısınalyq jáne qaıy­rymdylyq tásilder paradıg­ma­synan bas tartý qajet. Múm­kin­digi shekteýli jandardyń qu­qyq­­taryn qorǵaýdyń, olardy qo­­ǵamǵa beıimdeýdiń, jumysqa or­­na­­lastyrýdyń jáne óz áleýe­tin is­ke asyrýdyń tıimdi júıesin qu­rý kerek. Osyndaı naqty ister mú­­ge­­­dektigi bar azamattardyń ómir súrý sapasyn jaqsarta tú­­­se­­­tini sózsiz», dedi M.Áshimbaev.

Senat tóraǵasy balalar ara­syndaǵy múgedektik máselesine jeke toqtalyp, elimizde medısı­nalyq qyzmetterdiń sapasyn arttyrýǵa jáne ekologııalyq jaǵdaıdy jaqsartýǵa qatys­ty negizgi mindetterdi atap ótti. Sondaı-aq Máýlen Áshim­baev múmkindigi shekteýli aza­mat­tar­­dyń ortaǵa tolyq beıim­de­lýi­ne, eńbekke jaramdylardy ju­myspen qamtýǵa, erekshe qa­jettiligi bar balalardyń áleýe­tin tolyq ashýǵa jaǵdaı jasaý mańyzdy baǵyttardyń qatarynda ekenin tilge tıek etti.

Kezdesý barysynda aıtylǵan usynystar men bastamalar «Mú­ge­dektigi bar adamdardyń qu­qyq­tary týraly» zań jobasyn ázirleýge tyń serpin berýge tıis. Jıynda memlekettik or­gan­dardyń jumysyn úıles­tire­tin jáne múgedektigi bar adam­dardyń quqyqtaryn iske asyrýǵ­a baǵyttalǵan saıasatty júrgizetin jeke organ qurý má­selesi de sóz boldy. Aldaǵy ýa­qyt­ta sarapshylar bul bastamany zerdeleıdi. Dóńgelek ústelde bar­lyq deńgeıdegi ákimderdiń reı­tıngine múgedektigi bar adam­dardyń quqyqtaryna baıla­nys­ty sharalardy iske asyrý úshin jaýap­kershilikti engizý jáne múge­dektigi bar adamdar­dyń quqyq­t­aryn iske asyrý bo­ıynsha táýel­siz monıtorıngtik tetik qurý sııaqty usynystar da aıtyldy.