https://bolashak.gov.kz/
2001 jyldan bastap Qaýymdastyq músheleri Qazaqstan Respýblıkasynda bilim berý, kásipkerlikti qoldaý, qazaq tilin damytý salasynda 150-den astam iri áleýmettik jobalardy iske asyrdy. Alǵash ret 2021 jyly qaýymdastyq tóraǵasy memlekettik qyzmetshiler qatarynan saılanǵan joq, al Qaýymdastyq Keńesine jeke bıznes pen akademııa ókilderinen quralǵan jańa komanda keldi.
Qazir «Bolashaq» baǵdarlamasynyń túlekteri ártúrli salalardan jáne ártúrli jas sanattarynan quralady, sondyqtan túlekterdi biriktirý maqsatynda qyzyǵýshylyq klýbtaryn qurý ıdeıasy paıda boldy. 10-nan astam klýb qurylyp, olar óz jobalary men komandasy bar shaǵyn uıymdar retinde jumys isteı bastady. Máselen, «Bolashaq Medicine Club» medısınalyq klýbtyń úzdik ókilderi demalys kúnderi shalǵaı aýyldardy aralap, naýqastardy tegin qabyldaıdy.
О́zge qoǵamdyq birlestikterden aıyrmashylyǵy, Qaýymdastyq hatshylyǵy fulltime rejımde jumys isteıdi, al Keńes músheleri, Qaýymdastyq memlekettik áleýmettik tapsyrystar men granttar esebinen qarjylandyrylmaýy kerek dep sheshti, buǵan 2021 jyldyń sońynan bastap qol jetkizildi. Garvard túlekteriniń qaýymdastyǵy jaqsy úlgi, mysaly, Boston fılıaly 100 jyldan astam jumys isteıdi. Garvard bıznes mektebiniń túlekteri jyl saıynǵy venchýrlyq kapıtal baıqaýyn ótkizedi, oǵan júzdegen jobalar qatysady.
Biz jańa strategııa qabyldadyq, onyń negizgi baǵyttarynyń biri – kásipkerlikti damytýdy qoldaý.
Osy jyly Bıznes-klýb quryldy, onyń tóraǵasy bolyp belgili kásipker Maksım Bojko saılandy, ol únemi kezdesýler, breınstormıngter jáne Bolashaq Business Forum ótkizedi.
Qaýymdastyq alty bıznes forýmdy sátti ótkizdi, oǵan Eldar Ábdirazaqov, Armanjan Baıtasov, Qanat Kópbaev, Aıdan Káribjanov syndy belgili bıznesmender qatysty. Olar jetistikke jetýdiń qyr-syryna toqtalyp, kásipkerlik tájirıbelerimen bólisip, jastarǵa óz isin ashýǵa keńes berdi.
Biraq qaýymdastyqtyń bıznes salasyndaǵy eń qyzyqty ári tanymal jobasy – 2015 jyldan beri júzege asyrylyp kele jatqan alǵashqy qazaqstandyq bıznes-ıdeıalar jobasy – Startup Bolashaq startap jobalar baıqaýy.
Startup Bolashaq baıqaýynyń barlyq kezeńinde 15 myńǵa jýyq ótinim jınaldy. 1000-ǵa jýyq jartylaı fınalıster úzdik bıznes-jattyqtyrýshylarmen, akselerasııa baǵdarlamasymen jáne tálimgerlerdiń kómegimen oqý sabaqtaryn aıaqtady. 100-den astam jobaǵa 600 mln teńge ınvestısııa tartyldy.
Sonyń bir jarqyn úlgisi – Startup Bolashaq baıqaýynyń birinshi maýsymynyń fınalısti Eldos Baıalyshbaev Alakól kóli mańynda múmkindigi shekteýli jandarǵa arnalǵan «Asar» pansıonatyn ashýǵa 8 mıllıon teńge grant utyp aldy. Qazir «Asar» pansıonatyna Qazaqstannyń, Qyrǵyzstannan, О́zbekstannan emdelýge adamdar keledi.
Dıas Tastanbekov baıqaýdyń eki maýsymyna qatysty, biraq ekinshi maýsym ol úshin sátti boldy, ol óziniń «Zertis Agro» Ekoferma 4.0» jobasyna grant utyp aldy.
«Ekinshi maýsymda men eń sońǵy kúni ótinish berdim, taǵy bir ret qaıtalap kórý kerek dep sheshtim. Men jobany tujyrymdamalyq túrde ózgertken joqpyn, biraq ony egjeı-tegjeıli ázirledim. Bul aeroponıka ádisimen ósimdikterdi topyraqsyz ósirý týraly joba», deıdi Dıas.
2021 jyly «Bolashaq» Qaýymdastyǵynyń 20 jyldyǵyna oraı, bas seriktesi «Alawar Partners» kompanııasymen birlesip Startup Bolashaq bıznes-jobalar baıqaýynyń besinshi maýsymyn bastaıtynyn jarııalady.
Baıqaýǵa qatysýǵa Qazaqstannyń túkpir-túkpirinen 5000-ǵa jýyq ótinim qabyldanyp, onyń ishinde 21 bıznes-joba iriktelip, jartylaı fınalǵa ótti. О́tinimderdi irikteýdiń bastapqy kezeńin quramynda belgili bıznesmender, táýelsiz sarapshylar, qarjy jáne bıznes qurylymdarynyń ókilderi bar konkýrstyq komıssııa júrgizdi.
Memleket kásipkerlikti damytýǵa belsendi túrde kómektesedi jáne granttar túrindegi memlekettik qoldaý bıznesti qurý men damytýǵa yqpal etedi, biraq ekinshi jaǵynan, ónimdi eńbekke, bastamashylyq pen derbestik tanytýǵa degen yntasyn tómendetedi. Sondyqtan Startup Bolashaq baıqaýynyń besinshi maýsymynan bastap granttardan bas tartý týraly sheshim qabyldandy.
Startup Bolashaq baıqaýynyń besinshi maýsymy brıtandyq Dragons`Den jáne amerıkalyq Shark Tank realıtı-shoýlaryna uqsas ótti. Onyń ınvestorlarynyń biri ataqty mıllıarder Mark Kıýban. Bul shoýlarda startaperler bıznes-perishteler aldynda ózderiniń jobasyn usynyp, ınvestısııalaýdy suraıdy.
Fınalıster naqty ýaqyt rejıminde pıtch-sessııalar jasap, shoý qatysýshylary jobaǵa qosylý prınsıpterin, jobadaǵy úlestiń paıyzyna jáne ınvestısııa kólemin kelisip aldy. Fınalǵa on bıznes-joba ótti.
Jobanyń bıznes - perishteleri retinde belgili kásipkerler boldy. Freedom Holding Corp ınvestısııalyq tobynyń negizin qalaýshy Tımýr Týrlov EasyTap startapyna 50 000 dollardan astam, BOBO startapyna 12 mıllıon teńge jáne QazTracker startapyna 50 000 dollar ınvestısııalady; Ordamed negizin qalaýshy Erkin Dilimbetov Medical Software startapyna 10 mıllıon teńge ınvestısııalady; Kusto Group kompanııasynyń teń ıesi Qanat Kópbaev Eco Cash back startapyna 10 mıllıon teńge ınvestısııalady; «ISS Corporation LLP» holdınginiń aksıoneri Erlan Isekeshev FocusEDnow startapyna 50 000 dollar ınvestısııalady; Nurǵısa Jumaǵulov, kásipker jáne K7 Group dırektory Smartestprep startapyna 150 000 dollar ınvestısııalady; Alawwal Partners seriktesi Qanysh Týleýshın The Winner startapyna 10 mıllıon teńge ınvestısııalady; Core Capital basqarýshy seriktesi Nurlan Ásilbekov pen «ITspace» JShS bas dırektory Nurjan Nuralbaev Medical Software startapyna 10 mıllıon teńge ınvestısııalady.
Startup Bolashaq baıqaýynyń besinshi maýsymynyń fınalısteri 200 mıllıon teńgege jýyq ınvestısııa tartty. Realıtı-shoý Qazaqstannyń jetekshi telearnalary men Telegram jelisinde kórsetilip keledi.
Almas Qudaıbergen,
«Bolashaq» Qaýymdastyǵynyń Keńes Tóraǵasy,
Centrasia Group Basqarmasynyń Tóraǵasy
