Almaty qalasynyń ákimi Erbolat Dosaevtyń Seýldegi jumys iskerı sapary barysynda Seegene medısınalyq qory (SMF) men Open Healthcare Inc kompanııasynyń tóraǵasy Chhon ChonGımen kezdesý ótkizdi. SMF – Ońtústik Koreıanyń medısınalyq dıagnostıka jáne zerthanalyq zertteýler salasynyń kóshbasshy desek te bolady.
Osy kezdesýdiń arqasynda Ortalyq Azııadaǵy SMF óńirlik haby bolyp retinde Almatyny tańdaý týraly usynys bolyp, ońtústikkoreıalyq kompanııa Almatynyń medısına salasyna shamamen $30 mln ınvestısııa salýǵa nıetti ekendikterin málimdegen. Atap aıtqanda, jańa klınıka salý, klınıkalyq zerthanalardy jańǵyrtý, alǵashqy medısınalyq-sanıtarlyq kómek deńgeıinde emhana men medısınalyq zertteý ortalyǵyn basqarý ádistemesine densaýlyq saqtaýdyń koreı modelin zerdeleý men engizý, sondaı-aq tirkeý derekterin óńdeý rásimin ońtaılandyrý, ózin-ózi dıagnostıkalaý qurylǵylary men telemedısınany damytýda birlesken jobalardy iske asyrý keleshegi qaraldy.
«Búginde búkil álemde densaýlyq saqtaý birtindep emdeý úlgisinen dıagnostıkaǵa kóship otyr. Bul – aýrýlarmen kúresý men azamattardyń densaýlyǵyn qorǵaýdyń tıimdi joly. Pandemııa kórsetkendeı, álem jańa synaqtardyń aldynda tur: medısınalyq ortalyqtardy zamanaýı zerthanalarmen jabdyqtaýǵa jáne zertteýler júrgizýge nazar aýdaratyn elder ǵana básekege qabiletti», dedi Erbolat Dosaev.
Almaty ákimi Chhon ChonGı men onyń áriptesterine pandemııa kezinde Almaty turǵyndaryna kórsetken kómegi men COVID-19 jasaǵan dıagnostıkasy úshin alǵysyn bildirdi.
О́z kezeginde SMF tóraǵasy Chhon ChanGı Seegene dıagnostıkalyq testileýi pandemııa kezinde oń nátıje bergenin atap ótken. Medısınalyq konsernniń joǵary tıimdi tehnologııasy sapaly ári jappaı taldaý júrgizýge múmkindik berdi: Ońtústik Koreıadaǵy koronavırýstyq synaqtardyń 50%-y men Seýldegi synaqtardyń 60%-dan astamyn bir mekeme – Seegene medısınalyq qory óńdedi. SMF jumysynyń arqasynda Ońtústik Koreıadaǵy dúnıejúzilik pandemııa kezindegi ólim-jitim kórsetkishi basqa eldermen salystyrǵanda eń tómen deıgeıde bolǵany belgili.
