Foto: akorda.kz
«Qasym-Jomart Toqaev kompanııanyń áleýmettik jaýapkershiligine arnaıy toqtaldy «Shell» óz jobalarynda jumysqa jergilikti kadrlardy tartýǵa aıryqsha mán beredi. Búginde Qarashyǵanaq jáne Qashaǵan jobalarynda jumys isteıtin qyzmetkerlerdiń 95 paıyzdan astamy – Qazaqstan azamattary. Sondaı-aq atalǵan konsern «Kún energııasy – mektepterge», «Shell eko-marafony» jáne basqa da jobalardy júzege asyra otyryp, ekologııalyq máselelerdi sheshýge jastardy belsendi tartady. Prezıdent óziniń jýyrdaǵy Joldaýynda shaǵyn jáne orta bıznesti damytýǵa erekshe nazar aýdarǵanyn eske saldy. Onyń pikirinshe, «Shell» bul máseleni sheshýge áleýmettik turǵydan osal sanattaǵy jas kásipkerler men áıelderdi qoldaý baǵdarlamalary arqyly eleýli úles qosady. Kompanııa olarǵa bınes ashý úshin keńes berý qyzmetteri men bastapqy kapıtaldy usynady. Memleket basshysy konsernniń osy baǵyttaǵy qyzmetin keńeıtý úshin mol áleýet bar ekenin atap ótti», delingen aqparatta.
«Otandyq kásipkerlermen kezdesýde jergilikti ınjenerler men kompanııalardy mindetti túrde tarta otyryp, jobalyq dızaın keńselerin Qazaqstanǵa kóshirýge járdemdesýdi tapsyrdym. Jergilikti ónim úlesin arttyrý úshin óndirýshilerimizge iri munaı-gaz jobalaryn iske asyrýǵa jol ashý mańyzdy. «Shell» konserniniń belsendi jáne konstrýktıvti ustanymy Qazaqstan ekonomıkasyn ártaraptandyrýǵa eleýli úles qosyp, kompanııanyń ımıdjin odan ári jaqsartatynyna senimdimin», dedi Prezıdent.
Q.Toqaev táýelsiz Qazaqstannyń energetıka salasyn órkendetý jolynda «Shell» konserni strategııalyq seriktestiń biri ekenin, elimizdiń órkendeýine zor úles qosyp kele jatqanyn basa aıtty.
