Onyń aıtýynsha, jat dinı aǵymdar qazaq jastaryn soqyr fanatızmge, radıkalızmge ıtermelep jatyr.
«Biz Parlamenttegi eń iri fraksııa retinde ultty bóletin, aramyzǵa jik salatyn teris áreketterdi de tezge sala alatynymyz anyq. Eldi bólshekteýge jol joq. Dúrbeleńi kóp, búgingi alasapyran qoǵamda ulttyq asyl muralarymyz – salt-dástúrlerimizge degen shabýyl kóbeıip jatyr. Ásirese, jastardy soqyr fanatızmge, radıkalızmge ıtermeleıtin jat aǵymdar, áleýmettik jelide sanany ýlaıtyn teris ýaǵyzdar, tynysymyzdy taryltyp, alqymnan alyp barady. Bul – ulttyq muratymyzǵa, tutastyǵymyzǵa tóngen qaýip!», dedi Amanjol Áltaı depýtattyq saýalynda.
Onyń aıtýynsha, radıkaldy aǵymnyń kesirinen Sırııaǵa ketip, qyrshynynan qıylǵan uldardyń taǵdyry, sodyrlardyń qoljaýlyǵyna aınalyp otyr.
«Biraq búgingi ahýal ótkenniń qateliginen sabaq almaǵanymyzdy kórsetedi. Atanyń batasyn, ákeniń aqylyn, ananyń ónegesin boıyna sińire bilgen, senimi berik, namysshyl halyq edik, jat aǵymdarǵa kóndigip, ýaǵyzshyl bolyp baramyz. Birigýge emes, bólinýge, ónegege emes, ósekke óńeshimizdi sozamyz. О́zimizdiń asylymyzdan jerip, ózgeniń jasyǵyna úıirmiz. Tanymymyz tarylyp, nanymymyz laılanyp, qoǵamnyń túsinigi qyryqqa bólinip jatyr», dedi Amanjol Áltaı.
