1992 jyly ol qyzmet babymen Soltústik Qazaqstan oblysyna aýystyrylady. Oblystyq ishki ister basqarmasynyń kadr jumysy jelisine jetekshilik etti. Bıyl Ermek Vıktorhanovıch 73 jasqa tolady. Organdaǵy barlyq jumys ótili – 31,5 jyl. Ol SQO PD jáne Ulttyq ulannyń Ardagerleri keńesi ótkizetin is-sharalarǵa belsendi qatysyp turady.
Soltústikqazaqstandyq polısııanyń bastyǵy ardagerdi merekemen quttyqtap, jas qyzmetkerler arasynda mol tájirıbesimen bólisýin jalǵastyrýdy tiledi. Sondaı-aq ákesiniń jolyn qýyp, qalalyq polısııa basqarmasynda tergeý bólimi bastyǵynyń orynbasary bolyp qyzmet atqaryp júrgen balasy Maratty tárbıelegeni úshin alǵysyn bildirdi.
Mereke qarsańynda oblys polıseıleri barlyǵy 100-den asa zeınetkerge baryp, quttyqtap shyqty. Sonyń ishinde oblys ortalyǵynda polısııa bólinisteriniń bastyqtary men jeke quramy Ardagerler keńesiniń múshelerimen birlesip, qart áriptesteriniń mekenjaılaryna bardy. Aýyldy jerlerde zeınetkerler aýdandyq bólinisterge shaqyrylyp, jastarmen kezdesýler ótkizdi. Polısııa ardagerleriniń keńesi áriptes zeınetkerlerine kómek kórsetý maqsatynda 1,5 mıllıon teńge qarajat bóldi.
«Budan bólek, ardagerler arasynda Qarttar kúnine oraılastyryp ótkiziletin konsertke bıletter úlestirdik», deıdi oblystyq PD jáne Ulttyq ulan Ardagerler keńesiniń tóraǵasy Aqan Syzdyqov. «Polısııa ardagerleri árdaıym bizdiń jáne qyzmet atqaryp júrgen qyzmetkerlerdiń nazarynda. Materıaldyq, medısınalyq kómek kórsetemiz, mereıtoı ıelerin quttyqtaımyz. Aýyldy jerlerde ardagerlerge otynmen, jemshóppen kómektesemiz. Vedomstvo zeınetkerlerine qamqorlyqpen qaraý – Qazaqstan polısııasynyń mańyzdy qaǵıdattarynyń biri», dedi ol.
Soltústik Qazaqstan oblysy
