Inspeksııalyq sapar

Naýqandy uıymdastyrý jáne ótkizý sheńberinde Ortalyq saılaý komıssııasy tóraǵasynyń orynbasary Konstantın Petrov jáne OSK músheleri Sábıla Musta­fına men Asylbek Smaǵulov Pavlodar, Jetisý, Almaty, Qyzylorda oblys­tary­na bardy. Sapardyń negizgi maqsaty al­daǵy ákimderdi tikeleı saılaýdy ótki­zetin aýdandyq saılaý komıssııalaryna basa nazar aýdara otyryp, óńirlik saılaý organdaryna ádistemelik jáne praktıkalyq kómek kórsetý jáne oqytý bolyp otyr.

OSK tóraǵasynyń oryn­basary Pavlodar oblysyn aralaý ba­ry­syn­da Aqtoǵaı, Jelezın, Shar­baqty aýdan­darynyń saılaý organ­dary­nyń qarasha aıynda ótetin saılaýǵa da­ıyndyǵymen tanysty. Aýdandyq aýmaqtyq, ýchaskelik komıssııalarǵa ót­kizilgen trenıngterge qatysqan Kon­stantın Petrov negizinen tájirıbelik keısterdi pysyqtaýǵa nazar aýdardy. Jergilikti mamandarǵa saılaýdy taǵa­ıyndaýdan bastap, daýys berý kúnine deıingi negizgi kezeńderdi túsindirdi. Trenıngterge saılaý komıs­sııa­larynyń barlyq múshesi qatysty. Sonymen qatar jumys sapary barysynda ol Pavlodar oblysynyń oblystyq, qala­lyq, aýdandyq aýmaqtyq saılaý komıs­sııalarynyń múshelerimen kezdesip, saılaý naýqanyn daıyndaý, halyqty aq­pa­rattandyrý, ýchaskelik saılaý ko­mıs­sııalarynyń múshelerin oqytýdy jalǵastyrý máselelerin talqylady.

OSK múshesi Sábıla Mustafına Jetisý oblysynyń Kerbulaq, Sarqan aýdan­darynda ótken ýchaskelik saılaý komıs­sııalary músheleriniń oqytý semınar­lary­nyń jumysyna qatysty. Semınar bary­synda saılaý kúni ýchaskelik saılaý ko­mıs­sııasynyń jumys algorıtmi talqy­lan­dy, sondaı-aq ýchaskelik saılaý komıs­sııalarynyń suraqtaryna jaýap berildi.

Is-sharaǵa eki aýdannan ýchaskelik saılaý komıssııalarynyń 282 múshesi jáne oblystyń aýdandyq aýmaqtyq saı­laý komıssııalarynyń 8 tóraǵasy, sondaı-aq aýdandyq aýmaqtyq saılaý komıs­sııalarynyń 14 múshesi qatysty. Aldaǵy ákimder saılaýyn ótkizýge daıyndyq aıasynda 26 qyrkúıekten bastap Almaty oblysynyń Balqash jáne Jambyl aýdandarynda saılaý komıssııalarynyń músheleri úshin «Qazaqstan Respýblıkasy aýdandarynyń, oblystyq mańyzy bar qalalarynyń ákimderin qanatqaqty rejim­de saılaý jónindegi saılaý úderisiniń erek­shelikteri» atty kóshpeli oqytý semı­narlarynyń sıkli bastaldy.

Munan keıin OSK múshesi Sábıla Mus­tafına Almaty oblysynyń Balqash, Jambyl aýdandarynda oqytý semınarlaryna qatysty. Semınarlar aıasynda saılaý komıssııalarynyń jumysyn uıymdastyrý, daýys berý tártibi jáne saılaýda da­ýys berý qorytyndysyn shyǵarý, saılaý zańnamasyn buzǵany úshin jaýapkershilik máseleleri qaraldy. Son­daı-aq «Daýys berý kúni» iskerlik oıyn­dary ótkizildi, onda saılaý qujat­taryn resimdeýge, saılaý komıssııalary músheleriniń minez-qulqyna, daýys berý kúni yqtımal janjaldy jaǵ­daı­lardy she­shýge erekshe nazar aýdaryldy. Semı­nar qorytyndysy boıynsha oqýǵa qaty­sý­shylardyń saılaý zańnamasyn qanshalyqty biletini testileý arqyly tekserildi.

OSK múshesi Asylbek Smaǵulov Qyzylorda oblysynyń Syrdarııa, Shıeli aýdandaryna ınspeksııalyq saparmen bardy. Ol qanatqaqty saılaý ót­kizýdiń eki aýdanynda ornalasqan bir­neshe saılaý ýchaskesin qarap, daıyndyq barysyn taldap, iskerlik oıynyn ótkizý tájirıbesin qadaǵalady. Jıynda daýys berý kúni ýchaskelik saılaý komıssııasy músheleriniń jumysy jan-jaqty taldandy. Komıssııa múshelerimen saılaý ótkizýdiń ózekti máselelerin talqylaǵan Asylbek Smaǵulov saılaýdy ashyq jáne ulttyq zańnamanyń talaptaryna sáıkes ótkizýdiń mańyzdylyǵyn atap ótti.

Sonymen qatar OSK múshesi Syrdarııa, Shıeli aýdandaryndaǵy jergilikti at­qarýshy jáne quqyq qorǵaý organdary ókilderiniń qatysýymen ótken semınar-keńesterge qatysty. Semınarlarda jer­gilikti atqarýshy jáne quqyq qorǵaý organdarynyń, prokýratýranyń ókil­deri sóz sóılep, saılaýǵa daıyndyq jumys­tarynyń barysy, naýqandy ótkizý keze­ńinde zańdylyqtyń saqtalýy, saılaý kúni qoǵamdyq tártipti qorǵaýdy qamtamasyz etý týraly baıandady. Is-sharalarǵa saılaý komıssııalarynyń 250-ge jýyq múshesi qatysty.