Abaı shyǵarmalary – ázerbaıjan tilinde

Is-sharaǵa Qazaqstan men Ázerbaı­jannyń memleket jáne qoǵam qaı­rat­kerleri, túrkitildes elderdiń dıp­lo­matııalyq ókildikteri men halyqaralyq uıymdarynyń basshylary, ǵalymdar, jazýshylar, elimizdiń jetekshi joǵary oqý oryndarynyń stýdentteri qatysty.

Basylymda uly oıshyldyń týyndylary, onyń ómiri men shyǵarmashy­lyǵy týraly maqalalar usynylǵan. Sondaı-aq jınaqta Abaı eskertkishteri men músinderi týraly aqparat beril­gen. Basylymnyń taralymy 500 dana. Sony­men qatar jınaqtyń elektrondy nusqasy da jappaı oqyrman úshin qoljetimdi.

Qazaqstan Respýblıkasy Prezı­dent­tik ortalyǵy dırektorynyń orynbasary Botagóz Qaıypova Abaı Qunan­baı­uly­nyń esimi qazaq halqynyń ǵana emes, búkil túrki áleminiń mádenı mura­syna altyn áriptermen jazylǵanyn jetkizdi.

Halyqaralyq túrki mádenıeti men murasy qorynyń prezıdenti Gıýnaı Efendıevanyń aıtýynsha, Qordyń kezekti baspa jobasy sanalatyn bul jınaǵynda Ázerbaıjandaǵy Abaı shyǵarmashylyǵyna degen tereń súıis­penshilik pen qurmet kórinis tapty.

О́z kezeginde Halyqaralyq Túrki akademııasynyń prezıdenti Shahın Medjıd ogly Mustafaev uly fılosof, aǵartýshy Abaı shyǵarmalary osy kúnge deıin ózek­tiligin joǵaltpaǵa­nyn erekshe atap ketti. Kerisinshe, onyń murasy odan da muqııat jáne tereń zertteýdi qajet ete­di, óıtkeni onda túr­ki halyqtarynyń ǵa­syrlyq dana­lyǵy tunyp tur.

Ázerbaıjannyń Qazaqstandaǵy Tótenshe jáne ókiletti elshisi Agalar Ragım ogly Atamoglanov uly aqynnyń shyǵarmashylyǵyndaǵy qazirgi qoǵamda óte ózekti sanalatyn gýmanızm jáne adamgershilik ıdeıalaryna toqtaldy.

Is-shara sońynda Qazaqstan Respýb­lıkasynyń Prezıdenttik ortalyǵy men Halyqaralyq túrki mádenıeti men murasy qory arasynda memorandýmǵa qol qoıyldy. Bul qujatqa qol qoıýdaǵy basty maqsat – túrki mádenıetiniń damý tarıhyn zerdeleý boıynsha birles­ken mádenı-bilim berý jáne ǵylymı-zertteý jobalaryn iske asyrýda tyǵyz yntymaqtastyq ornatý.