Máselen, Premer-mınıstrdiń mindetterine Úkimettiń qyzmetine basshylyq etý, ekonomıkalyq, qarjy, fıskaldyq jáne keden saıasatynyń, memlekettik bıýdjettiń strategııalyq máseleleri, memleketaralyq qatynastar men halyqaralyq yntymaqtastyq máselelerin sheshý kiredi.
Sonymen qatar Premer-mınıstrdiń qaraýyna sheteldik ınvestısııalar tartý jáne ınvestısııalyq ahýaldy jaqsartý, qorǵanys jáne quqyqtyq tártip, memlekettik aktıvterdi basqarý, salalardy sıfrlandyrý jáne sıfrlyq ekonomıkany damytý, qorǵanys ónerkásibi keshenin damytý máseleleri kiredi.
Budan bólek, Premer-mınıstr Respýblıkalyq bıýdjet komıssııasynyń, Ekonomıkalyq saıasat jónindegi keńestiń, Jańǵyrtý jónindegi ulttyq komıssııanyń jáne basqa da konsýltatıvtik-keńesshi organdardyń jumysyna basshylyq jasaıdy.
Premer-mınıstrdiń birinshi orynbasary Roman Sklıarǵa ekonomıkany jáne óńirlik saıasatty jedel basqarý, kólik ınfraqurylymy men logıstıkany damytý, turǵyn úı-kommýnaldyq sharýashylyqty, munaı-gaz sektory men munaı hımııasyn salý jáne jańǵyrtý máseleleri bekitildi.
Ol sondaı-aq energııa únemdeýdi jáne energııa tıimdiligin arttyrýdy, jańartylatyn energııa kózderin, kómir ónerkásibin, atom ónerkásibin jáne ıadrolyq energetıkany damytý máseleleri, ınnovasııalar, tehnıkalyq retteý, elektr energetıkasy, geologııa jáne jer qoınaýyn paıdalaný, eksporttyq baqylaý, qorshaǵan ortany qorǵaý, tabıǵı resýrstardy paıdalaný, tótenshe jaǵdaılar jáne jumyldyrý jumystary máselelerine jetekshilik etedi.
Sonymen qatar Roman Sklıar jylytý maýsymdaryna daıyndyq jáne ony ótkizý, arnaıy ekonomıkalyq jáne ındýstrııalyq aımaqtardy damytýdy úılestirý, uıymdar men memlekettik organdardyń taýarlardy, jumystar men kórsetiletin qyzmetterdi satyp alýy kezinde qazaqstandyq qamtý úlesin ulǵaıtý jónindegi memlekettik saıasatty iske asyrý, ǵarysh qyzmeti, áskerı qaýipsizdik, týrızm ınfraqurylymyn damytý jáne sport máselelerin úılestiretin bolady.
Premer-mınıstrdiń orynbasary Erulan Jamaýbaev qarjy sektory, makroekonomıkalyq saıasat, bıýdjet, salyq jáne keden saıasaty, memlekettik josparlaý júıesi, tarıf saıasaty, shaǵyn jáne orta kásipkerlikti damytý, konsessııa máselelerin qosa alǵanda memlekettik-jekeshelik áriptestikti damytý máselelerin úılestiretin bolady.
Sonymen qatar Erulan Jamaýbaevtyń mindetine bıznestiń problemalyq máselelerin, onyń ishinde ákimshilik kedergilerdi azaıtý máselelerin qaraý jáne sheshý, kvazımemlekettik sektor sýbektileri qyzmetin reformalaý jáne t. b. máseleler kiredi.
Premer-mınıstrdiń orynbasary Murat Nurtileýdiń mindetine Qazaqstan Respýblıkasynyń syrtqy saıası baǵdaryn iske asyrý, syrtqy ekonomıkalyq saıasatyn júzege asyrý jáne halyqaralyq ımıdjin ilgeriletý, halyqaralyq sharttardyń jasalýyn, oryndalýyn, ózgertilýin, toqtatyla turýyn jáne toqtatylýyn úılestirý máseleleri, onyń ishinde Qazaqstan Respýblıkasynyń Memlekettik shekarasyn demarkasııalaý, delımıtasııalaý máseleleri kiredi.
Sonymen qatar oǵan syrtqy ınvestısııalar tartý, ınvestısııalyq ahýaldy jaqsartý jáne halyqaralyq naryqtarda Qazaqstan Respýblıkasynyń oń ımıdjin qalyptastyrý, elimizdiń shet memlekettermen jáne halyqaralyq uıymdarmen saýda-ekonomıkalyq, qarjylyq, ǵylymı jáne ǵylymı-tehnıkalyq, mádenı, sondaı-aq ózge de baılanystaryn keńeıtý, kóshi-qon salasyndaǵy halyqaralyq yntymaqtastyqty úılestirý mindetteri bólindi.
Premer-mınıstrdiń orynbasary Tamara Dúısenovanyń mindetine bilim berýdi jáne ǵylymdy damytý, densaýlyq saqtaý, áleýmettik jańǵyrtý, áleýmettik saıasat, jumyspen qamtý, memleket pen azamattyq qoǵamnyń ózara is-qımyly, memlekettik jastar jáne otbasy saıasaty, konfessııaaralyq jáne etnosaralyq kelisimdi qamtamasyz etý máseleleri kiredi.
Budan bólek, ol mádenıetti jáne sportty damytý, memlekettik tildi damytý, demografııa jáne kóshi-qon saıasaty, «Aýyl amanaty» baǵdarlamasyn júzege asyrý máselelerine jetekshilik etedi.
Premer-mınıstrdiń orynbasary Serik Jumanǵarınniń mindetine saýda saıasaty, agroónerkásiptik keshen, jer qatynastary, Eýrazııalyq ekonomıkalyq odaq sheńberindegi jáne Dúnıejúzilik saýda uıymy sheńberindegi yntymaqtastyq máseleleri kiredi.
