Islambek Saljanov atap ótkendeı syılyq kezdeısoq tańdalmaǵan.
«5 myń jyl buryn ata-babamyz, ıaǵnı kóshpendi jylqy janýaryn birinshi bolyp erttep minip, búkil adamzat órkenıetinde serpilis jasady. Mine, osy sátten bastap jylqy eń jyldam ári negizgi kólik quralyna aınaldy. Bul – tarıhtyń baǵytyn ózgertti. Jylqyny alǵash qolǵa úıretken – qazaq dalasy. Siz dızaınyn jasaǵan Ferrari kóliginde at beınelengen emblema bar.
Sizge tartý etken kartınada Alaman báıge beınelengen. Ol – qazaqtyń ulttyq at jarysy. Birneshe márte chempıon bolǵan Formýla-1 sııaqty temir tulpar jarysynyń bastaýynda osy alaman báıge tur dep aıtýǵa bolady.
Sizdi 2024 jyly qyrkúıekte Astanada ótetin V Dúnıejúzilik kóshpendiler oıyndaryna shaqyramyn», dep túıindedi sózin Islambek Saljanov.
Frenk Stıvenson tartý etilgen syılyqty joǵary baǵalaıtyndyǵyn, al zamanaýı shyǵarmashylyqty shabyttandyrýda tarıhtyń mańyzy bıik ekendigin aıtty. Dızaıner Islambek Saljanovqa óner týyndysy men V Dúnıejúzilik kóshpendiler oıyndaryna shaqyrǵany úshin alǵysyn bildirdi.
