Foto: Polisia.kz
Polısııa qyzmetkerleri ǵımarat pen onyń irgeles aýmaǵyna tolyǵymen tintý jumystaryn júrgizgenimen eshqandaı jarylǵysh zat tabylǵan joq.
Tekserý barysynda tártip saqshylary qońyraý shalynǵan abonenttik nómirdiń ıesin anyqtaǵan. Atalǵan mekeme qyzmetkeri áıel adam telefonyn palatalardyń birindegi ústelde qaldyryp ketkenin aıtqan. Muny paıdalanǵan jasóspirim bomba týraly habarlaǵan. Qazirgi ýaqytta sotqa deıingi tergeý jumystary júrgizilip jatyr.
Terrorızm aktisi týraly kórineý jalǵan habarlaý – qoǵamdyq tártipke qol suǵatyn qaýipti qylmys. Ondaı ospadar áreket úshin Qylmystyq kodekstiń 273-baby boıynsha 5000 AEK-ke deıingi mólsherde aıyppul tóleý ne bolmasa túzeý jumystaryna tartý, ıakı 5 jylǵa deıin bas bostandyǵynan shekteý nemese bas bostandyǵynan aıyrý sekildi jaza túrleri kózdelgen.
Atalǵan qylmys túri úshin qylmystyq jaýapkershilik 14 jastan bastalady. Sonymen qatar sot sheshimi negizinde shyǵyndar jáne jalǵan habarlama saldarynan bolǵan barlyq zalal ótelý sanatyna jatady. Eger ony kámeletke tolmaǵan bala jasaǵan jaǵdaıda zalaldy óteý onyń ata-anasyna nemese zańdy ókilderine júkteledi.
