Elimizde tuńǵysh ret ótkizilip jatqan baıraqty básekede Fınlıandııa, Slovakııa, Shvesııa, Ulybrıtanııa, Japonııa, Qazaqstan quramalarynyń parahokkeıshileri óner kórsetip jatyr. Chempıonattyń kezekti týrynda otandastarymyz Sýomı eliniń ókilderimen sheberlik baıqasyp, qarsylastaryn 6:1 esebimen oısyrata jeńdi. El quramasy sapynan Almas Ahmetov pen Beksultan Jánibektarhan dýbl avtory atansa, Maqsat Mıanov pen Qýat Káripbaev bir-bir márte mergendigimen kózge tústi. Al Fınlıandııa quramasynan jubanysh shaıbasyn Alekso Akı soqty. Bul – jerlesterimizdiń álem chempıonatyndaǵy alǵashqy jeńisi. Atalǵan kezdesýde Almas Ahmetov Qazaqstan quramasynyń úzdik oıynshysy dep tanyldy.
Jerlesterimiz kelesi oıynyn búgin Shvesııa hokkeıshilerimen ótkizedi. Chempıonatta alǵashqy eki oryndy ıelengen komandalar 2024 jylǵy parahokkeıden álem chempıonatyna joldama alady.
